MNP ၊ မေ ၁၂
မွန်ပြည်နယ်၊ သထုံခရိုင်၊ ဘီးလင်းမြို့နယ်တွင် သာသနာရေးဦးစီးဌာနမှကြီးမှူးကျင်းပသည့် ၂၀၂၂ ခုနှစ်၊ ပါဠိပထမပြန်စာမေးပွဲ ဆဌမနေ့ကို ဘီးလင်းမြို့နယ်ရှိ စာဖြေဌာနဖြစ်သည့် ငြိမ်းချမ်းရိပ်မြုံ ဓမ္မာစရိယသင်တန်းကျောင်းတိုက်၌ သံဃာတော်နှင့် သီလရှင်များ အေးချမ်းစွာဖြင့် လာရောက်ဖြေဆိုကြလျှက်ရှိကြောင်း သိရသည်။
ယနေ့ နေ့လယ်ပိုင်းကျင်းပသည့် ပါဠိ ပထမပြန်စာမေးပွဲတွင် ပထမကြီးတန်း ၌ ပဌာန်းဘာသာရပ်အား သံဃာတော်နှင့် သီလရှင် ၂၆ပါး ၊ပထမလတ်တန်း၌ ဘာသာပြန်ဘာသာရပ်အား သံဃာတော်နှင့်သီလရှင် ၂၉ ပါးတို့ လာရောက်ဖြေဆိုခဲ့ကြသည်။
အဆိုပါစာမေးပွဲသို့ ဝင်ရောက်ဖြေဆို တော်မူကြသည့် ရဟန်းသံဃာတော်များနှင့် သီလရှင်များအေးချမ်းစွာဖြေဆိုနိုင်ရေး အတွက် မြိုနယ်သံဃာ့နာယကအဖွဲ့မှကြီးကြပ်ရေးဆရာတော်များနှင့် ကြီးကြပ်ရေးအဖွဲ့ဝင် လူပုဂ္ဂိုလ်များ၊ တာဝန်ရှိသူများ၊ အလှူရှင်များတို့က အချိုရည်များ၊ လှူဖွယ်ဝတ္တုများဆပ်ကပ်လှူဒါန်းခြင်း၊ ကျန်းမာရေးစောင့်ရှောက်မှုများဆောင်ရွက်ပေးခြင်း စသည့် ကူညီထောက်ပံ့မှုများကို ဆောင်ရွက်ပေးလျှက်ရှိကြောင်း သိရှိရသည်။
သတင်း - ထူးနောင် (ဘီးလင်း )
https://t.me/MyanmarNationalPost
No comments:
Post a Comment