MNP - မေ ၁
ရှမ်းပြည်နယ်(တောင်ပိုင်း)၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဆီဆိုင်မြို့နယ်တွင် ယမန်နေ့မွန်းလွဲ ၁ နာရီခွဲခန့်က မိုးသည်းထန်စွာရွာသွန်းပြီး လေပြင်းတိုက်ခတ်မှုကြောင့် ဂိုဒေါင်တစ်လုံး၊ လူနေအိမ်(၂)လုံးနှင့် စာသင်ကျောင်းဆောင် အမိုးသွပ်နှင့်မြှားတန်းများပျက်စီးမှုများ ဖြစ်ပွားခဲ့ကြောင်း သိရသည်။
မိုးသက်လေးပြင်း တိုက်ခတ်မှုကြောင့် တဘက်ကျေးရွာအုပ်စုအတွင်းရှိ ပန်ကန်းကျေးရွာတွင် စာသင်ကျောင်းဆောင်(၁၀ ပေ ၂ ပေ ခန်း)၊ လူနေအိမ် (၂) လုံးနှင့် ဂိုဒေါင် ၁ လုံးတို့၏ အမိုးသွပ်နှင့် မြားတန်းများ ပျက်စီးဆုံးရှုံးခဲ့ကြောင်း သိရသည်။
အဆိုပါလေပြင်းတိုက်ခတ်မှုကြောင့် လူနှင့်တိရစ္ဆာန် ထိခိုက်မှုမရှိကြောင်းနှင့် လေဘေးသင့် ပြည်သူများအား နီးစပ်ရာဆွေမျိုးနေအိမ်များတွင် နေရာချထားပေးပြီး ဖြစ်ကြောင်း သိရသည်။
သတင်း - မျိုးမြတ်
မြန်မာနေရှင်နယ်ပို့စ်
No comments:
Post a Comment