MNP ၊ မေ ၁၀
ရခိုင်ပြည်နယ် ၊ မြောက်ဦးခရိုင် ၊ မြေပုံမြို့နယ်၌ အခြေခံပညာဦးစီးဌာနမှ မြို့နယ်အဆင့် သင်ရိုးသစ် Grade-5သင်တန်းကို ယနေ့နံနက်၉နာရီအချိန်က မြေပုံမြို့ အခြေခံပညာအထက်တန်းကျောင်းတွင် ဖွင့်လှစ် သင်တန်းပို့ချသင်ကြားလျက်ရှိကြောင်းသိရသည်။
အဆိုပါ သင်တန်းပို့ချသင်ကြားရာတွင် ၂၀၂၂-၂၀၂၃ ပညာသင်နှစ်တွင် အခြေခံပညာမူလတန်းအဆင့် (Grade-5)သင်ရိုးသစ် သို့ရောက်ရှိလာမည့် ကျောင်းသား/ကျောင်းသူများအတွက် ကိုယ်ရည်ကိုယ်သွေးကျွမ်း ကျင်မှုရှိစေရန် ၊ နိုင်ငံသားကောင်းစိတ်ဓာတ်များရရှိလာစေရန်နှင့် မြန်မာစာ ၊ အင်္ဂလိပ်စာ ၊ သင်္ချာ ၊ သိပ္ပံ ၊ လူမှုရေး ၊ စာရိတ္တနှင့်ပြည်သူ့နီတိ ၊ ဂီတ-ပန်းချီ စသည့် ဘာသာရပ်များကို မေလ(၁၀)ရက်နေ့မှ(၁၃)ရက်နေ့ ထိဖွင့်လှစ်သင်ကြားသွားမည်ဖြစ်ရာ မြေပုံမြို့အခြေခံပညာအထက်တန်းကျောင်းတွင် စာသင်ခန်း (၁၆)ခန်း နှင့် ကမ်းထောင့်ကြီးမြို့ အခြေခံပညာအထက်တန်းကျောင်းတွင် စာသင်ခန်း(၁၀)ခန်းတို့၌ မူလတန်း ကျောင်းများမှ သင်တန်းသား ဆရာ/ဆရာမ (၉၆၀)ဦးတက်ရောက်ကြပြီး သင်တန်းနည်းပြ ဆရာ/ဆရာမ (၃၂)ဦးတို့က သင်တန်းကာလ(၄)ရက်ကြာသင်ကြားပို့ချသွားမည်ဖြစ်ကြောင်း မြေပုံမြို့နယ်ပညာရေးမှူးရုံးမှ သိရသည်။
သတင်း - တင်ဝင်း
https://t.me/MyanmarNationalPost
No comments:
Post a Comment