MNP - ဇွန် ၄
ရန်ကုန်တိုင်းဒေသကြီး၊ မြောက်ပိုင်းခရိုင်၊ မှော်ဘီမြို့နယ်တွင် ပညာရေးဝန်ကြီးဌာန၊ အခြေခံပညာဦးစီးဌာနမှ ကြီးမှူး၍ ဖွင့်လှစ်သော လုပ်ငန်းခွင်အကြိုရက်တိုသင်တန်းကို ယနေ့ နံနက် ၉ နာရီ အချိန်က အမှတ်(၂)အခြေခံပညာအထက်တန်းကျောင်း ရွှေရတုခန်းမ၌ ဖွင့်လှစ် ခဲ့သည်။
အဆိုပါသင်တန်းသည် မှော်ဘီမြို့နယ် အခြေခံပညာကျောင်းများတွင် လက်ထောက် မူလတန်းပြ ဆရာ၊ ဆရာမများ ဖြည့်ဆည်းခန့်ထားနိုင်ရန်အတွက် ရည်ရွယ်၍ (ပထမ)အဆင့် လုပ်ငန်းခွင်အကြိုရက်တို သင်တန်းကို ဖွင့်လှစ်ခဲ့ခြင်းဖြစ်သည်။
သင်တန်းတွင် သင်တန်းဆရာ(၄)ဦးဖြင့် ဇွန် ၄ ရက်မှ ၁၀ ရက်နေ့အထိ ဖွင့်လှစ်သင်ကြားပေးမည်ဖြစ်ပြီး သင်တန်းသား၊ သင်တန်းသူ (၈၂)ဦး တက်ရောက်ခဲ့ကြောင်း သိရသည်။
သတင်း - ကောင်းမြတ်သူ
မြန်မာနေရှင်နယ်ပို့စ်
No comments:
Post a Comment