ရွှေဘိုတက္ကသိုလ်၌ ကမ္ဘာ့ပတ်ဝန်းကျင်ထိန်းသိမ်းရေးနေ့အထိမ်းအမှတ် သစ်ပင်စိုက်ပျိုးပွဲ ကျင်းပ

 

MNP - ဇွန်   ၅

စစ်ကိုင်းတိုင်းဒေသကြီး၊ ရွှေဘိုခရိုင်၊ မြို့နယ်သစ်တောဦးစီးဌာနနှင့်ခရိုင်ပတ်ဝန်းကျင်ထိန်းသိမ်းရေးဦးစီးဌာနတို့ ပူးပေါင်းကျင်းပသည့် ကမ္ဘာ့ပတ်ဝန်းကျင်ထိန်းသိမ်းရေးနေ့ (World Environment Day) အထိမ်းအမှတ်သစ်ပင်စိုက်ပျိုးပွဲကို ယနေ့နံနက် ၇နာရီခွဲကရွှေဘိုတက္ကသိုလ်ကျောင်းဝန်းအတွင်း ကျင်းပပြုလုပ်ခဲ့ကြောင်း သိရသည်။

ကမ္ဘာ့ပတ်ဝန်းကျင်ထိန်းသိမ်းရေးနေ့အထိမ်းအမှတ်ဆောင်ပုဒ်မှာOny One Earth(တစ်ခုတည်းသောကမ္ဘာမြေ)ဖြစ်ပြီး၊ အဆိုပါသစ်ပင်စိုက်ပျိုးပွဲတော်သို့ ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးမျိုးဦးနှင့်အဖွဲ့ဝင်များ၊ဒုတိယတပ်နယ်မှူး၊ ခရိုင်ရဲတပ်ဖွဲ့မှူး၊ မီးသတ်တပ်ဖွဲ့မှုး၊ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးဇော်မျိူးဝင်းနှင့်အဖွဲ့ဝင်များ၊ ရွှေဘိုတက္ကသိုလ်ဒုပါမောက္ခချုပ်ဒေါက်တာတင်တင်ရီ၊ပါမောက္ခများ၊ကထိကများ၊ သင်တန်းရေးရာဌာနမှူးများ၊ ဆရာဆရာမများကျောင်း သားကျောင်းသူများ၊ ခရိုင်/မြို့နယ်ဌာနဆိုင်ရာ အကြီးအကဲများနှင့် ဝန်ထမ်းများ၊ ခရိုင်အမျိုးသမီးရေးရာဥက္ကဋ္ဌနှင့် အဖွဲ့ဝင်များ၊ခရိုင်/မြို့နယ်သစ်တောဦးစီး ဌာန အကြီးအကဲနှင့်ဝန်ထမ်းများ ခရိုင်ပတ်ဝန်းကျင်ထိန်းသိမ်းရေးဦးစီးဌာန အကြီးအကဲနှင့် ဝန်ထမ်း များတက်ရောက်ခဲ့ကြောင်းသိရသည်။

ထို့နောက်ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးမျိုးဦးနှင့်အဖွဲ့ဝင်များ၊ခရိုင်အမျိုးသမီးရေးရာဥက္ကဋ္ဌ ၊ခရိုင်/မြို့နယ်သစ်တောဦးစီးဌာနမှုး၊ ခရိုင်ပတ်ဝန်းကျင်ထိန်းသိန်းရေး ဦးစီးဌာနမှုးတို့က တက်ရောက်လာသော ဌာနဆိုင်ရာအကြီးအကဲနှင့် ဒုပါမောက္ခချုပ်၊ ဌာနမှူးနှင့်ကျောင်းသား/သူများ ထံစိုက်ပျိုးမည့်ပျိုးပင်များ ပေးအပ်ခဲ့ပြီး၊ တက်ရောက်လာကြသူများက သတ်မှတ်နေရာအသီးသီးတွင် သစ်ပင်ပျိုးပင်များကို တစ်ပြိုင်နက်စုပေါင်းစိုက်ပျိုးခဲ့ကြပြီး၊ အမှတ်တရစုပေါင်းမှတ် တမ်း ဓါတ်ပုံများရိုက်ကူးခဲ့ကြသည်။

အဆိုပါမိုးရာသီစုပေါင်း သစ်ပင်စိုက်ပျိုးပွဲတွင် နှစ်ပေအမြင့်ထက် သစ်ပျိုးပင်များဖြစ်သည့် သပြေဘူတ၊စိန်ပန်း၊မယ်ဇယ်၊ စွယ်တော်၊ ကသစ်၊ ယင်းမာ၊ ဒဟတ်၊ ကံ့ကော်၊ ခရေ၊ စိန်ပန်းပု၊ စုစုပေါင်း(၅၈၀) ပင်စိုက်ပျိုးခဲ့ကြောင်း၊ စိုက်ပျိုးပြီး သစ်ပင်များကို မီးသတ်ဦးစီးဌာနမှရေများ ဖျန်းပက်ပေးခဲ့ကြောင်း သိရသည်။

မြန်မာနေရှင်နယ်ပို့စ်