MNP - ဇွန် ၃၀
ရန်ကုန်တိုင်းဒေသကြီး၊ ရန်ကုန်အနောက်ပိုင်းခရိုင်၊ ကျောက်တံတားမြို့နယ်တွင် မြန်မာနိုင်ငံဆန်စပါးကုန်သည်များအသင်း၏စီစဉ်မှုဖြင့် အများပြည်သူများဈေးနှုန်းသက်သာစွာ ဝယ်ယူစားသုံးနိုင်ရန်အတွက် ယမန်နေ့နံနက်(၈)နာရီအချိန်မှစတင်၍ အမှတ်(၆)ရပ်ကွက်၊ ၃၈ လမ်းနှင့် အနော်ရထာလမ်းထိပ်၌ ဆန်၊ ဆီ၊ ကြက်ဥများကို သယ်ယူပို့ဆောင်ရေးနှင့်ရောင်းချရေးယာဉ်ဖြင့် ဈေးနှုန်းချိုသာစွာရောင်းချပေးလျက်ရှိရာ ဆန်(၅)ပြည်တစ်အိတ်လျှင် ၅၀၀၀/- ကျပ်၊ ပေါ်ဆန်းဆန်(၅)ပြည်တစ်အိတ်လျှင် ၈၅၀၀/-ကျပ်၊ ဆီ(၅၀)သားလျှင် ၂၉၀၀/-ကျပ်နှင့် ကြက်ဥ(၁၀)လုံးတစ်ကဒ်လျှင် ၁၇၀၀/- ကျပ်ဖြင့် ဈေးနှုန်းချိုသာစွာရောင်းချပေးခဲ့ကြောင်းသိရသည်။
အဆိုပါဈေးရောင်းချရာတွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးမြင့်စိန်ခေါင်းဆောင်၍ မြို့နယ်စည်ပင်သာယာရေးကော်မတီအဖွဲ့နှင့် မြို့နယ်အုပ်ချုပ်ရေးမှူးများမှ အဆင်ပြေစွာဝယ်ယူနိုင်ရေးဆောင်ရွက်ပေးခဲ့ကြောင်း သတင်းရရှိသည်။
သတင်း - ရွှေဇင်ခိုင်
မြန်မာနေရှင်နယ်ပို့စ်
No comments:
Post a Comment