MNP ၊ ဇွန် ၁၅
နေပြည်တော်ကောင်စီအဖွဲ့ဝင် ဦးမြင့်စိုးသည် ဌာနဆိုင်ရာများနှင့်အတူ လယ်ဝေးမြို့နယ်အတွင်းရှိ ပြောင်ခေါင်းကြီးမွေးမြူရေးဇုန်သို့ သွားရောက်၍ ကြည့်ရှုစစ်ဆေးခဲ့ရာ မွေးမြူရေးနှင့်ကုသရေးဦးစီးဌာန၊ လက်ထောက်ညွှန်ကြားရေးမှူး ဒေါက်တာလှမျိုးသန့်က မွေးမြူရေးဇုန်ဖော် ဆောင်ထားမှုအခြေအနေများကို ရှင်းလင်းတင်ပြခဲ့ပြီး နေပြည်တော်ကောင်စီအဖွဲ့ဝင် ဦးမြင့်စိုးက လိုအပ်ချက်များအပေါ် သက်ဆိုင်ရာဌာနများနှင့် ပေါင်းစပ်ညှိနှိုင်းဆောင်ရွက်ပေးခဲ့သည်။
ဆက်လက်၍ နေပြည်တော်ကောင်စီအဖွဲ့ဝင် ဦးမြင့်စိုးသည် လယ်ဝေးမြို့နယ် အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမ၌ နေပြည်တော်အတွင်း လယ်/ယာမြေများအား အခြားနည်းအသုံးပြုခွင့်မရရှိဘဲ အဆောက်အဦများ၊ နေအိမ်များ၊ ပစ္စည်းများကို ကျုးကျော်ဆောက်လုပ်ခြင်း၊ စုပုံခြင်းမပြုလုပ်စေရေး လယ်ယာမြေစီမံခန့်ခွဲရေးကော်မတီတို့နှင့် တွေ့ဆုံမှာကြားသည်။
မြို့နယ်လယ်ယာမြေစီမံခန့်ခွဲမှုကော်မတီ ဥက္ကဋ္ဌ၊ မြို့နယ်အုပ်ချုပ်ရေးမှူး ဦးမြင့်ဆောင်မှ ရပ်ကွက်/ကျေးရွာအုပ်စု လယ်ယာမြေစီမံခန့်ခွဲမှုကော်မတီများအနေဖြင့် လယ်/ယာမြေများပေါ်တွင် အခြားနည်းအသုံးပြုခွင့်မရရှိဘဲ အဆောက်အဦးများ၊ အခြားစီးပွားရေးလုပ်ငန်းများ ကျူးကျော်ဆောင်ရွက်ထားရှိမှုများအား ချက်ချင်းဟန့်တားအရေးယူဆောင်ရွက်ရန် ရှင်းလင်းအသိပေးပြောကြားခဲ့သည်။ ထို့နောက် ရပ်ကွက်/ကျေးရွာအုပ်စု လယ်ယာမြေစီမံခန့်ခွဲမှုကော်မတီတို့၏ တင်ပြချက်များကို မြို့နယ်လယ်ယာမြေစီမံခန့်ခွဲမှုကော်မတီ အတွင်းရေးမှူး၊ မြို့နယ်လယ် ယာမြေစီမံခန့်ခွဲရေးနှင့်စာရင်းအင်းဦးစီးဌာန၊ ဦးစီးမှူး ဦးတင့်ခိုင်ဦးနှင့် သက်ဆိုင်ရာဌာနများမှ ရှင်းလင်းဆွေးနွေးခဲ့ပါသည်။
ထို့နောက် နေပြည်တော်ကောင်စီအဖွဲ့ဝင် ဦးမြင့်စိုးက ရပ်ကွက်/ကျေးရွာအုပ်စု လယ်ယာမြေစီမံခန့်ခွဲမှုကော်မတီတို့၏ တင်ပြချက်များအပေါ် သက်ဆိုင်ရာဌာနများနှင့် ပေါင်းစပ်ညှိနှိုင်းဆောင်ရွက်ပေးခဲ့ကြောင်း သိရသည်။
https://t.me/MyanmarNationalPost
No comments:
Post a Comment