MNP - ဇွန် ၁၅
ကချင်ပြည်နယ်၊ မြစ်ကြီးနားမြို့ မန်ခိန်ရပ်ကွက်ရှိ အခြေခံပညာအထက်တန်းကျောင်း (မန်ခိန်)အတွင်းရှိ နှစ်ထပ်စာသင်ကျောင်းဆောင်ဟောင်းအား မသမာသူတစ်စုမှ မီးရှို့ခဲ့သဖြင့် ဇွန် ၁၅ ရက် နံနက် ၃ နာရီခန့်က မီးလောင်မှုဖြစ်ပွားခဲ့ကြောင်း ခရိုင်မီးသတ်ဦးစီးဌာနမှူး ဦးအောင်သူထွန်းထံမှ သိရသည်။
အဆိုပါ မီးလောင်မှုဖြစ်စဉ်ကြောင့် ၁၀၀ × ၃၀ ပေ ၊ သွပ်မိုး၊ အုတ်ညှပ် ၊ အုတ်ခင်း နှစ်ထပ်စာသင်ဆောင်ဟောင်း အပေါ်ထပ် မီးလောင်ဆုံးရှုံးခဲ့သည်။ မီးလောင်မှုဖြစ်ပွားရာ နေရာသို့ ပြည်နယ်မီးသတ် တပ်ဖွဲ့ရုံးမှ ဦးစီး၍ ခရိုင်၊ မြို့နယ်၊ နယ်မြေ မီးသတ်စခန်းများမှ မီးငြှိမ်းသတ်ယာဉ် ၃ စီး၊ ရေသယ်ယာဉ် ၃ စီးဖြင့် မီးငြှိမ်းသတ်ခဲ့ရာ နံနက် ၃ နာရီ ၂၅ မိနစ်ခန့်တွင် မီးငြှိမ်းသတ်နိုင်ခဲ့ကြောင်းနှင့် လူနှင့်တိရစ္ဆာန်ထိခိုက်မှုမရှိကြောင်း သိရှိရသည်။
မီးရှို့ဖျက်ဆီးသူများအား အရေးယူဆောင်ရွက်နိုင်ရေး သက်ဆိုင်ရာ နယ်မြေရဲစခန်းမှ ဆောင်ရွက်လျက်ရှိကြောင်းသိရှိရသည်။
သတင်း - မျိုးမြင့်စိုး
မြန်မာနေရှင်နယ်ပို့စ်
No comments:
Post a Comment