MNP ၊ ဇွန် ၄
မန္တလေးတိုင်းဒေသကြီး၊ ပြင်ဦးလွင်ခရိုင်၊ စဉ့်ကူးမြို့နယ် အထွေထွေအုပ်ချုပ်ရေးဦးစီးဌာနမှ ဝန်ထမ်းများ၏ သား/သမီးများအား ၂၀၂၂-၂၀၂၃ ပညာသင်နှစ်အတွက် ပညာသင်ထောက်ပံ့ကြေး ပေးအပ်ပွဲ အခမ်းအနားကို ယနေ့နံနက်ပိုင်းက စဉ့်ကူးမြို့နယ် အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ကျင်းပပြုလုပ်ခဲ့သည်။
အခမ်းအနားတွင် စဉ့်ကူးမြို့နယ်အုပ်ချုပ်ရေးမှူး ဦးထွန်းကျော်နိုင် က ပညာသင်ထောက်ပံ့ကြေး ပေးအပ်ရခြင်းနှင့်ပတ်သက်၍ ရှင်းလင်းပြောကြားပြီး မြို့နယ်အုပ်ချုပ်ရေးမှူးနှင့် တာဝန်ရှိသူများက အထက်တန်းအဆင့် ကျောင်းသူ(၂)ဦး၊ အလယ်တန်းအဆင့် ကျောင်းသား/ကျောင်းသူ (၃)ဦး၊ မူလတန်းအဆင့် ကျောင်းသား/ကျောင်းသူ (၁၃) ဦး၊ စုစုပေါင်း ကျောင်းသား/ကျောင်းသူ (၁၈) ဦး တို့အား ပညာသင်ထောက်ပံ့ကြေးနှင့် ထောက်ပံ့ပစ္စည်းများကို ပေးအပ်ခဲ့ကြသည်။
ထိုသို့ထောက်ပံ့ပေးအပ်ရာတွင် ကျောင်းသားတစ်ဦးလျှင် ပညာသင်ထောက်ပံ့ကြေး ငွေကျပ်(၄၀၀၀၀)၊ ထီး(၁)ချောင်း၊ ကျောင်းသုံးဗလာစာအုပ်(၁)ဒါဇင်၊ ကျောင်းဝတ်စုံ(၁)စုံစီ အတွက် စုစုပေါင်းထောက်ပံ့မှု တန်ဖိုးငွေ ကျပ်(၁၉၅၀၀၀)ဖြစ်ကြောင်း သိရသည်။
သတင်း - တင်ဇာလွင်
https://t.me/MyanmarNationalPost
No comments:
Post a Comment