MNP - ဇွန် ၅
ပဲခူးတိုင်းဒေသကြီး၊ သာယာဝတီခရိုင်၊ အုတ်ဖိုမြို့၊ မြို့လယ်ဓမ္မာရုံသာသနာ့ ဗိမ္ဗာန်တော်ကြီးတွင် ယနေ့ နံနက်ပိုင်းက (၃၈)ကြိမ်မြောက် ယဉ်ကျေးမှုစာအောင်ဆုရ မြို့နယ်ဆင့် (ပ-ဒု-တ)ဆုရရှိသူများနှင့် သီးသန့်လက်ရွေးစင်ဆု ရရှိသူများအား ဆုချီးမြှင့်ခြင်းအခမ်းအနားကို ကျင်းပသည်။
အခမ်းအနားကို နမောတဿ (၃)ကြိမ်ရွတ်ဆိုဖွင့်လှစ်ပြီး မြို့နယ်သံဃာ့နာယက ဒုတိယဥက္ကဋ္ဌဆရာတော်မှ ငါးပါးသီလနှင့် သြဝါဒကထာချီးမြှင့်ကာ မြို့နယ်သံဃာ့နာယက ဥက္ကဋ္ဌဆရာတော်မှ သာရဏီယ သြဝါဒကထာ ချီးမြှင့်တော်မူသည်။ ဆက်လက်၍ မြို့နယ်စီမံအုပ်ချုပ်ရေးကောင်စီဥက္ကဋ္ဌ ဦးအောင်ဇော်မင်းနှင့် မြို့နယ်ပညာရေးမှူး ဦးကိုကိုမောင်တို့က သာသနာရေးဆိုင်ရာများ လျှောက်ထားပြီး ယဉ်ကျေးမှုကော်မတီ ရှေ့ဆောင်နာယက ဦးတင်ဝင်းမှ (၃၈)ကြိမ်မြောက် ယဉ်ကျေးမှုမြို့နယ်အဆင့် (ပ-ဒု-တ)ဆုနှင့် သီးသန့်လက်ရွေးစင်ဆု ချီးမြှင့်ရခြင်းနှင့် ပတ်သက်၍ ရှင်းလင်းသည်။
ထို့နောက် ဆုရရှိသည့် ကျောင်သား၊ ကျောင်းသူများအား သက်ဆိုင်ရာတာဝန်ရှိသူများမှ အသီးသီးဆုချီးမြှင့်ခဲ့ကြောင်း သိရသည်။
သတင်း - အောင်သူ
မြန်မာနေရှင်နယ်ပို့စ်
No comments:
Post a Comment