MNP ၊ ဇွန်၂၂
ရခိုင်ပြည်နယ် မာန်အောင်မြို့နယ် ဂန့်ကော်တောကျေးရွာအုပ်စု၊ဇိုင်ပင်ကျေးရွာတွင်ယခုလ၁၁ရက်နေ့ကမိုးသက်လေပြင်းတိုက်ခတ်မှုကြောင့် နေအိမ်ပေါ်သို့ မကျည်းပင်လဲကျ ပျက်စီးသွားသောနေအိမ်မိသားစုများအား ယနေ့မွန်းလွဲ၁နာရီကထောက်ပံ့ပစ္စည်းများပေးအပ်ခဲ့ကြောင်းသိရသည်။
ထိုသို့ထောက်ပံ့ပေးအပ်ရာတွင် မြန်မာနိုင်ငံကြက်ခြေအသင်းကထောက်ပံ့ပေးအပ်သော မိသားစုအသုံးအဆောင်ပစ္စည်းများ၊မီးဖိုချောင်သုံးပစ္စည်းများနှင့်တစ်ကိုယ်ရေသုံးပစ္စည်းများကို မာန်အောင်မြို့နယ်ကြက်ခြေနီအသင်း(ခွဲ)မှတပ်ဖွဲ့မှူးဦးမြင့်သန်းနှင့်တပ်ဖွဲ့ဝင်များကဂန့်ကော်တောကျေးရွာအုပ်စု၊ဇိုင်ပင်ကျေးရွာသို့သွားရောက်ပြီးနေအိမ်ပျက်စီးသွားသူဦးသိန်းမောင်မိသားစုအားထောက်ပံ့ပေးအပ်ခဲ့သည်။
ထို့အတူမေလ၂၁ရက်နေ့က သစ်ပုံကျေးရွာအုပ်စု၊ငှက်ပျောတောကျေးရွာ၌ အုန်းပင်လဲကျရာတွင်ပျက်စီးသွားသော ဦးနေလင်း နေအိမ်မိသားစုကို လည်းထောက်ပံ့ပေးအပ်ခဲ့ပြီးဖြစ်ကြောင်း သိရသည်။
သတင်း - သိန်းဖေ
https://t.me/MyanmarNationalPost
No comments:
Post a Comment