MNP - ဇူလိုင် ၂၇
ဧရာဝတီတိုင်းဒေသကြီး၊ ဖျာပုံခရိုင်၊ ဒေးဒရဲမြို့နယ်၊ အမှတ်(၃)ရပ်ကွက်၊ တော်တနီးလမ်းသစ်ရှိ အမေ့သားဂုဏ်ရောင်ဆန်စက်တွင် ယနေ့နံနက် ၇ နာရီ ၂၀ မိနစ်အချိန်က စပါးခွံဂက်(စ်) တာဘိုင်စက်ရုံ၏ စပါးခွံသိုလှောင်ခန်း ဖွဲမီးလက်ကျန်များမှတစ်ဆင့် မီးကူးစက်လောင်ကျွမ်းမှု စတင်ဖြစ်ပွားခဲ့ကြောင်း သိရသည်။
အဆိုပါ မီးလောင်ကျွမ်းမှု ဖြစ်ပွားရာနေရာသို့ မြို့နယ်မီးသတ်ဦးစီးမှူး ဦးဟန်ဝင်းစိုး ဦးဆောင်၍ မီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များက အရေးပေါ်မီးသတ်ယာဉ် (၃)စီးဖြင့် မီးငြှိမ်းသတ်ခဲ့ရာ နံနက် ၇နာရီ ၃၀ မိနစ်အချိန်တွင် မီးငြှိမ်းသတ်နိုင်ခဲ့ကြောင်း သိရသည်။
မီးလောင်ကျွမ်းမှုဖြစ်စဉ်ကြောင့် စပါးခွံတာဘိုင်စက်ရုံအတွင်းရှိ ထုတ်တမ်း၊ မြှားတမ်းနှင့် သစ်သားတိုင်များ မီးလောင်ကျွမ်းခဲ့ပြီး လူတစ်ဦးတစ်ယောက်မျှထိခိုက် ဒဏ်ရာ ရရှိမှုမရှိကြောင်း မြို့နယ်မီးသတ်ဦးစီးဌာနက သိရသည်။
သတင်း - အေဇာလင်း
မြန်မာနေရှင်နယ်ပို့စ်
No comments:
Post a Comment