MNP - ဇူလိုင် ၃
ပဲခူးတိုင်းဒေသကြီး ကြို့ပင်ကောက်မြို့တွင် သစ်တောသစ်ပင်များ ထိန်းသိမ်းခြင်း၊ သစ်တောစိုက်ခင်းများ ထူထောင်ခြင်းဖြင့် သဘာဝပတ်ဝန်းကျင်စိမ်းလန်းစိုပြေရေး၊ ရာသီဥတုမျှတကောင်းမွန်စေရေးအတွက် ရည်ရွယ်၍ မြို့နယ်သစ်တောဦးစီးဌာနမှ ဦးဆောင်ကျင်းပသော မိုးရာသီသစ်ပင်စိုက်ပွဲတော်ကိုလက်ပံပင်စုကျေးရွာအုပ်စု တမံဆည်ကျေးရွာတွင် ယနေ့နံနက်ပိုင်းက ကျင်းပပြုလုပ်ခဲ့သည်။
အခမ်းအနားတွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ မြို့နယ်အုပ်ချုပ်ရေးမှူး ဦးဇင်မင်းဌေး မြို့နယ်သစ်တောဦးစီးဌာနမှ ဦးစီးအရာရှိဦးကျော်မိုးနှင့်ဝန်ထမ်းများဌာနဆိုင်ရာ အကြီးအကဲများနှင့် ဝန်ထမ်းများ လူမှုရေးအသင်းအဖွဲ့များ ဒေသခံပြည်သူများက မိုးရာသီသစ်ပင်စိုက်ပျိုးပွဲ အထိမ်းအမှတ်ပျိုးပင်များကို သတ်မှတ်နေရာများတွင် ကျွန်းပျိုးပင် ၆၀ မဟော်ဂနီပျိုးပင် ၁ ပင် ယမနေပျိုးပင် ၅၀ ပိတောက်ပျိုးပင် ၁ ပင် ခရေပျိုးပင် ၁ ပင် ပျဉ်းကတိုးပျိုးပင် ၆၂ ပင်တို့ကို စုပေါင်းစိုက်ပျိုးပေးခဲ့ကြသည်။
ကြို့ပင်ကောက်မြို့နယ် သစ်တောဦးစီးဌာနအနေဖြင့် မိုးရာသီသစ်ပင်စိုက်ပျိုးပွဲတော်များနှင့် ဒေသခံပြည်သူများ စိုက်ပျိုးနိုင်ရန်အတွက် ဒေသမျိုးရင်းအဖိုးတန်မျိုးများ၊ ရာသီအလိုက်ဖူးပွင့်နိုင်သည့် အပင်များ၊ ကြီးမြန်သစ်ပင်များပါဝင်သည့် လူထုဖြန့်ပျိုးပင်များကို မကျီးကုန်းပျိုးဥယျာဉ်တွင် ၂၅၀၀၀ နှင့် မြို့ကိုင်းပျိုးဥယျာဉ်တွင် ၂၅၀၀၀ စုစုပေါင်း ပျိုးပင်ပေါင် ၅၀၀၀၀ ပျိုးထောင် စိုက်ပျိုးထားကြောင်း သိရသည်။
သတင်း - ဇေယျာထွန်း
မြန်မာနေရှင်နယ်ပို့စ်
No comments:
Post a Comment