MNP ၊ ဇူလိုင် ၃
ပဲခူးတိုင်းဒေသကြီး ပြည်မြို့၊ ပြည်နည်းပညာတက္ကသိုလ်၌ ယမန်နေ့က "ဒေါက်တာအောင်ကျော်မြတ် ပညာသင်ဆု"ချီးမြှင့်ပွဲကျင်းပခဲ့ကြောင်းသိရသည်။
ဆုချီးမြှင့်ပွဲတွင် ရှေးဦးစွာ ပဲခူးတိုင်းဒေသကြီးအစိုးရအဖွဲ့၊ သယံဇာတရေးရာဝန်ကြီး ဦးတင်သိန်းက အဖွင့်အမှာစကားပြောကြားပြီး ဒုတိယဝန်ကြီး(ငြိမ်း) ဒေါက်တာအောင်ကျော်မြတ်က ဆုချီးမြှင့်ရခြင်းနှင့်ပတ်သက်၍ ဝမ်းမြောက်စကားပြောကြားကာ ၂၀၂၂-၂၀၂၃ ပညာသင် နှစ်အတွက် ပြည်နည်းပညာတက္ကသိုလ်တွင် ဝင်ခွင့်ရသော ဘာသာရပ်အလိုက် ပထမနှစ် ကျောင်းသား/ကျောင်းသူ (၅)ဦးအား တာဝန်ရှိသူများက "ဒေါက်တာအောင်ကျော်မြတ် ပညာသင်ဆု"များပေးအပ်ချီးမြှင့်သည်။
ထိုသို့ ပညာသင်ဆုချီးမြှင့်ခြင်းအတွက် အဆင့်မြင့်သိပ္ပံနှင့်နည်းပညာဦးစီးဌာန ဒုတိယညွှန်ကြားရေးမှူးချုပ် ဒေါက်တာနေမျိုးထွန်းက ဌာနကိုယ်စား ကျေးဇူးတင်စကားပြောကြားပြီး ဒုတိယပါမောက္ခချုပ် ဒေါက်တာမြနန္ဒာလွင်က ပြည်နည်းပညာတက္ကသိုလ်နှင့် ဆုရကျောင်းသား/ကျောင်းသူများကိုယ်စား ကျေးဇူးတင်စကား ပြောကြားခဲ့ကြောင်း ယင်းတက္ကသိုလ်တာဝန်ရှိသူထံမှ သိရသည်။
https://t.me/MyanmarNationalPost
No comments:
Post a Comment