MNP - ဇူလိုင် ၂
ဧရာဝတီတိုင်းဒေသကြီး၊ လပွတ္တာခရိုင်၊ မော်လမြိုင်ကျွန်းမြို့နယ်တွင် အားကစားနှင့် လူငယ်ရေးရာဝန်ကြီးဌာန၊ မြို့နယ်အားကစားနှင့် ကာယပညာဦးစီးဌာနမှ ဦးဆောင်ဖွင့်လှစ်သော ၂၀၂၂ ခုနှစ်၊ မိုးရာသီအဆင့်မြင့် အားကစားသင်တန်းအား ဇူလိုင်လ ၁ ရက်နေမှ စတင်၍ မြို့မပြည်သူ့ဘောလုံးအားကစားကွင်း၊ အားကစား ပြိုင်ပွဲရုံသစ်နှင့် အမှတ်(၂) အခြေခံပညာ အထက်တန်းကျောင်းတို့တွင် ဖွင့်လှစ်သင်ကြားလျက်ရှိသည်။
အဆိုပါ အဆင့်မြင့်အားကစားသင်တန်းတွင် U-16 အမျိုးသားဘောလုံးသင်တန်း၊ U-18 အမျိုးသမီး ဘောလုံး သင်တန်း၊ ပြေးခုန်ပစ်နှင့် မြန်မာ့သိုင်း စသည့်အားကစားနည်းများအား နည်းပြ များမှ သင်တန်းသား သင်တန်းသူ (၁၀၀) ခန့်အား သင်တန်းများအလိုက် စနစ်တကျလေ့ကျင့် သင်ကြားပေးလျက်ရှိပြီး မည်သူမဆို အခမဲ့ တက်ရောက်သင်ကြားနိုင်ကာ သင်တန်းကာလ အဖြစ် (၁-၇-၂၀၂၂) ရက်နေ့မှ (၁၅-၇-၂၀၂၂) ရက်နေ့ အထိ (၁၅) ရက်တိုင်တိုင်ဖွင့်လှစ် သင်ကြားပေးသွားမည်ဖြစ်ကြောင်း မြို့နယ်အားကစားနှင့် ကာယပညာဦးစီး ဌာန၊ ဦးစီးအရာရှိ ဒေါ်နှင်းမိုးလှိုင်ထံမှ သိရသည်။
သတင်း - အောင်အောင်
မြန်မာနေရှင်နယ်ပို့စ်
No comments:
Post a Comment