MNP - ဩဂုတ် ၁၇
ရန်ကုန်တိုင်းဒေသကြီး၊ ရန်ကုန်အနောက်ပိုင်းခရိုင်၊ လှိုင်မြို့နယ်တွင် မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်း၏ စီစဉ်လမ်းညွှန်မှုဖြင့် လှိုင်မြို့နယ် အထွေထွေအုပ်ချုပ်ရေးဦးစီးဌာန၊ စာသုံးသူရေးရာဦးစီးဌာတို့ ပူးပေါင်း၍ ယမန်နေ့နံနက်ပိုင်း က စားသုံးသူပြည်သူများအား သက်သာသောဈေးနှုန်းဖြင့် ဆီများရောင်းချပေးလျက်ရှိကြောင်း သိရသည်။
ထိုသို့ ရောင်းချရာတွင် တစ်ဦးလျှင် ၅၀ သား၊ ဆီတစ်ပိဿာ ၂၃၀၀ ကျပ်နှုန်းဖြင့် အမှတ်(၁၂)ရပ်ကွက်၊ အင်းစိန်လမ်း၊ လှိုင်ရတနာဈေးရှေ့တွင် ရောင်းချပေးခဲ့ကြောင်း သိရသည်။
အဆိုပါရောင်းချရာနေရာသို့ မြို့နယ်စီမံအုပ်ချုပ်ရေးအဖွဲ့ဝင်များ၊ ဌာနဆိုင်ရာတာဝန်ရှိသူများက လိုက်လံကြည့်ရှုအားပေးပြီး လိုအပ်သည်များ ပေါင်းစပ်ညှိနှိုင်း ဆောင်ရွက်ပေးခဲ့ကြောင်း သိရသည်။
သတင်း - ကျော်ရဲအောင်
မြန်မာနေရှင်နယ်ပို့စ်
No comments:
Post a Comment