MNP - စက်တင်ဘာ ၁၈
စစ်ကိုင်းတိုင်းဒေသကြီး အစိုးရအဖွဲ့၏ လမ်းညွှန်စီစဉ်မှု၊ မုံရွာခရိုင်နှင့် ချောင်းဦးမြို့နယ် စီမံအုပ်ချုပ်ရေးအဖွဲ့တို့၏ ကြီးကြပ်မှုနှင့်အတူ ချောင်းဦးမြို့နယ် တန်ဖိုးသင့် စားသောက်ကုန် ရောင်းချရေးကော်မတီမှ ဒေသခံပြည်သူများ သက်သာချောင်ချိရေးအတွက် စားသောက်ကုန်များကို အရောင်းဆိုင် ရွေ့လျားယာဉ်ဖြင့် နေ့စဉ်ရောင်းချပေးလျက်ရှိရာ စက်တင်ဘာလ ၁၆ ရက်နေ့ နံနက် ၁၀ နာရီ အချိန်က ချောင်းဦးမြို့ မြို့သစ်ရပ်ကွက်တွင် ရောင်းချပေးခဲ့ကြရာ အဆိုပါရပ်ကွက်ရှိ ဒေသခံပြည်သူများ ဝမ်းမြောက်စွာ လာရောက်ဝယ်ယူအားပေးခဲ့ကြကြောင်း သိရသည်။
ချောင်းဦးမြို့နယ် တန်ဖိုးသင့် စားသောက်ကုန် ရောင်းချရေး အဖွဲ့ အနေဖြင့် အိမ်ထောင်စု တစ်စုအတွက် ဆန်တစ်ပြည်၊ ဆီ တစ်ဆယ်သား၊ကြက်သွန်နီ အစိတ်သား၊ အာလူးအစိတ်သား ပါ ( ၄ )မျိုးအတွက် စုစုပေါင်း ကျသင့်ငွေကျပ် ၃၀၀၀ နှုန်းဖြင့် ဒေသခံပြည်သူများ သက်သာချောင်ချိရေးနေ့စဉ် ရပ်ကွက်များအတွင်း ရောင်းချပေးခဲ့ရာ ယနေ့အထိ အိမ်ထောင်စုပေါင်း ၁၁၃၅ အိမ်ထောင်စုအတွက် ရောင်းချပေးနိုင်ခဲ့ပြီဖြစ်ကြောင်းသိရပြီး ဆက်လက်၍လည်း ရောင်းချပေးသွားမည်ဖြစ်ကြောင်းသိရသည်။
သတင်း - ဝင်းမြင့်အောင်
မြန်မာနေရှင်နယ်ပို့စ်
No comments:
Post a Comment