MNP ၊ စက်တင်ဘာလ ၁၉
ရခိုင်ပြည်နယ်၊ တောင်ကုတ်ခရိုင်၊ တောင်ကုတ်မြို့နယ် လူမှုဝန်ထမ်းဦးစီးဌာန မှ တောင်ကုတ် မြို့နယ်အတွင်းရှိ အသက်(၈၅)နှစ်အထက် သက်ကြီးရွယ်အို အဘိုး၊ အဘွားများသို့ လူမှုရေးပင်စင်ငွေများ ကို သက်ဆိုင်ရာကျေးရွာအုပ်ချုပ်ရေးမှူး များတစ်ဆင့်ထုတ်ပေးလျက်ရှိကြောင်းသိရသည်။
ထိုသို့ထုတ်ပေးလျက်ရှိရာတွင် ၂၀၂၂-၂၀၂၃ ဘဏ္ဍာရေးနှစ်၊ ဒုတိယသုံးလပတ်အတွက် အဘိုး၊ အဘွားတစ်ဦးလျှင်(၃၀၀၀၀)ကျပ်နှုန်းဖြင့် အကျိုးခံစားခွင့်ရှိသူ (၁၂၇၇)ဦးအတွက် စုစုပေါင်း ငွေကျပ်- ၃၈၃၁၀၀၀၀/- ကိုသက်ဆိုင်ရာ ရပ်ကွက်၊ ကျေးရွာအုပ်ချုပ်ရေးမှူးများ မှတစ်ဆင့် ထုတ်ပေးလျက်ရှိပြီး မြို့နယ်လူမှုဝန်ထမ်းဦးစီးဌာန အနေ ဖြင့်လူမှုရေးပင်စင်ထောက်ပံ့ငွေများကိုဘဏ္ဍာနှစ် အလိုက်(၃) လ တစ်ကြိမ် ထောက်ပံ့လျက်ရှိရာ ယခုဘဏ္ဍာနှစ်တွင် ဒုတိယအကြိမ်ထောက်ပံ့ခြင်းဖြစ်ကြောင်း မြို့နယ်ဦးစီးမှူး ဒေါ်ဆွေဆွေတင့် ထံမှ သိရသည်။
https://t.me/MyanmarNationalPost
No comments:
Post a Comment