ဒုံဝန်းကျေးရွာတွင် စတုတ္ထကြိမ်မြောက် သီတင်းကျွတ်လ သက်ကြီးပူဇော်ပွဲကို ကျေးရွာလုံးကျွတ် စုပေါင်းပြုလုပ်မည် - MyanmarNationalPost

MyanmarNationalPost

News Agency

Breaking

ဒုံဝန်းကျေးရွာတွင် စတုတ္ထကြိမ်မြောက် သီတင်းကျွတ်လ သက်ကြီးပူဇော်ပွဲကို ကျေးရွာလုံးကျွတ် စုပေါင်းပြုလုပ်မည်





MNP ၊ စက်တင်ဘာ  ၂၇

မွန်ပြည်နယ်၊ သထုံမြို့နယ်၊ ဒုံဝန်းကျေးရွာတွင် ယခုနှစ်၊ မြန်မာသက္ကရာဇ် ၁၃၈၄ ခု သီတင်းကျွတ် ချိန်ခါသာမယ၌ ကျရောက်မည့် စတုတ္ထအကြိမ်မြောက် သက်ကြီးဘိုးဘွားပူဇော်ပွဲကို ကျေးရွာလုံးကျွတ်စုပေါင်းကာ လာမည့် သီတင်းကျွတ်လဆန်း ၁၄ ရက်(အဖိတ်နေ့)၌ ပြုလုပ်သွားမည်ဖြစ်ကြောင်း ပူဇော်ပွဲ ပြုလုပ်ရေး အကြိုညှိနှိုင်းဆွေးနွေးပွဲမှ သိရသည်။


"ပြီးခဲ့တဲ့နှစ်ကတော့ ကိုဗစ်ကြောင့် အိမ်တိုင်ရာရောက် လိုက်ပြီး‌ထောက်ပံ့တာမျိုးဘဲလုပ်ခဲ့တယ်။ ဒီနှစ်တော့ အခမ်းအနားနဲ့ ကျင်းပမှာပါ။ ပူဇော်ပွဲကျင်းပဖို့အတွက်ကို ကျေးရွာမှာရှိတဲ့ ဆရာတော်ကြီးတွေရဲ့ လမ်းညွှန်မှုနဲ့ ရပ်မိရပ်ဖတွေက မနေ့က အကြိုညှိနှိုင်းဆွေးနွေးခဲ့တယ်။ နှစ်စဉ်ကျင်းပနေကျအတိုင်းဘဲ အဖိတ်နေ့မှာ လုပ်သွားမှာပါ ။ ရွာက ငယ်ပေမယ့် ရွာသူရွာသားတွေ ညီညီညွတ်ညွတ်နဲ့ အစဉ်အလာမပျက် ဒီပူဇော်ပွဲအောင်မြင်အောင် ကြိုးစားသွားကြမှာပါ" ဟု ရပ်မိရပ်ဖတစ်ဦးက ပြောသည်။


ကျေးရွာအတွင်းရှိ သက်ကြီးရဟန်းတော်များနှင့် ဘိုးဘွားများ၏ သီလဂုဏ်၊ သမာဓိဂုဏ်၊ ပညာဂုဏ်များအား လေးစားကြည်ညိုသည့် အနေဖြင့် အာယုဒါန၊ အဟာဒါနများအတွက် ရည်ရွယ်ကာ အလှူငွေများ၊ လှူဒါန်းဖွယ်ရာပစ္စည်းများတို့ဖြင့် ပူဇော်ကန်တော့သွားမည်ဖြစ်ပြီး ယခုနှစ်တွင် ကျေးရွာအတွင်းရှိ အသက် ၈၀ နှစ်နှင့် အထက် သက်ကြီးရဟန်းတော် ၄ ပါးနှင့် ဘိုးဘွား ၃၉ ဦးတို့အား ဒုံဝန်း‌ကျေးရွာရှိ ဘုရားငါးဆူဓမ္မာရုံ၌ ရွာသူရွာသားများစုပေါင်းကာ အခမ်းအနားဖြင့် အစဉ်အလာမပျက် ပူဇော်ကန်တော့သွားမည်ဖြစ်ကြောင်း သိရသည်။


နဒီ

https://t.me/MyanmarNationalPost

No comments:

Post a Comment

Donate and Support

Donate and Support

မြန်မာနေရှင်နယ်ပို့စ် သတင်းအေဂျင်စီ သည် အမျိုးသားရေးကို ဦးထိပ်ထားသည့် သတင်းမီဒီယာဖြစ်ပါသည်။ တိုင်းရင်းသား ပြည်သူများ သတင်းမှန်များ သိရှိစေရေးကိုသာ ဦးစားပေး ဆောင်ရွက်လျက်ရှိပါသည်။ မြန်မာနေရှင်နယ်ပို့စ်သို့ အနှောင်အဖွဲ့ကင်းစွာ ကူညီပံ့ပိုးနိုင်ပါသည်။

KBZ Pay - 09793975969 (U Nauing Win Tun)

Wave Pay - 09692366274 (U Naing Win Tun)