MNP - စက်တင်ဘာ ၈
၂၀၂၂- ၂၀၂၃ ပညာသင်နှစ်၊ ကျောင်းကောင်စီဖလား မိုးရာသီဘောလုံးပြိုင်ပွဲ ဆုချီးမြှင့်ခြင်းအခမ်းအနားကို ယမန်နေ့နံနက် ၁၀ နာရီအချိန်က အလုံမြို့နယ် အမှတ်(၇) အခြေခံပညာအထက်တန်းကျောင်း၊ သဇင်းခန်းမ၌ ကျင်းပပြုလုပ်ကြောင်း သိရသည်။
ရှေးဦးစွာ ကျောင်းကောင်စီ ဥက္ကဋ္ဌ ဦးအောင်စိုး က ပြိုင်ပွဲကျပ်းပပြုလုပ်ခြင်းနှင့် ပတ်သတ် အမှာစကားပြောကြားခဲ့ပြီး ကျောင်းအုပ်ဆရာမကြီး ဒေါ်သိင်္ဂီ က ကျေးဇူးတင်စကား ပြောကြားခဲ့သည်။ ဆက်လက်၍ ဆုချီးမြှင့်ခြင်းကို ဆောင်ရွက်ခဲ့ရာ ပထမဆု ကျပ် ၅၀၀၀၀၊ ဒုတိယဆု ကျပ် ၃၀၀၀၀၊ တတိယဆု ကျပ် ၂၀၀၀၀နှင့် အထူးရရှိသော အသင်း(၂) သင်းအား ဆုငွေ ကျပ် ၁၀၀၀၀ စီကို တာဝန်ရှိသူများက ဆုများအသီးသီးချီးမြှင့်ခဲ့ပြီး အခမ်းအနားသို့ ကျောင်းကောင်စီအဖွဲ့ဝင်များ၊ ဆရာ/ဆရာများ၊ ကျောင်းသား/ကျောင်းသူများ တက်ရောက်ခဲ့သည်။
အဆိုပါ ကျောင်းကောင်စီဖလား မိုးရာသီဘောလုံးပြိုင်ပွဲကို သြဂုတ်လ ၃၁ ရက်နေ့မှ စက်တင်ဘာလ ၃ ရက်နေ့အထိ (၄)ရက်ကြာ ဘောလုံးအသင်း (၅) သင်းမှ ဝင်ရောက်ယှဉ်ပြိုင် ကျပ်းပခဲ့ကြောင်း သိရသည်။
သတင်း - တင်တင်ချို
မြန်မာနေရှင်နယ်ပို့စ်
No comments:
Post a Comment