MNP - စက်တင်ဘာ ၅
မကွေးတိုင်းဒေသကြီး သရက်မြို့၌ အသက်(၂)လမှ အသက် (၁)နှစ်ခွဲထိကလေးငယ်များကို ပုံမှန်ကာကွယ်ဆေးထိုးနှံပေးခြင်းကို ယနေ့နံနက်(၉)နာရီက ရုံးရပ်ကွက် အုပ်ချုပ်ရေးမှူးရုံးတွင် မြို့ပေါ်(၈)ရပ်ကွက်မှ အသက်(၂)လမှ အသက်(၁)နှစ်ခွဲထိ ကလေးငယ်များကို ပုံမှန်ကာကွယ်ဆေး စတင်ထိုးနှံပေးလျက်ရှိသည်။
အသက်(၂)လမှ အသက် (၁)နှစ်ခွဲထိ ကလေးငယ်များကို ပုံမှန်ကာကွယ်ဆေးထိုးနှံပေးရာတွင် ကျန်းမာရေးဝန်ထမ်းများက အသည်းရောင်အသားဝါ၊ ဆုံဆို့၊ကြက်ညှာ၊ မေးခိုင်၊ ဦးနှောက်အမြှေးရောင်၊ (ငါးမျိုးစပ်ကာကွယ်ဆေး) ပြင်းထန်ဝမ်းပျက်ဝမ်းလျှော၊ ဝက်သက်၊ဂျိုက်သိုး ရောဂါကာကွယ် ဆေး စသည်များကို အသက်အရွယ်အလိုက် သက်ဆိုင်ရာ ကာကွယ်ဆေးများကို ထိုးနှံတိုက်ကျွေးပေးလျက်ရှိရာ ဆေးထိုးရန် ကျန်ရှိသူများအား စက်တင်ဘာလ(၉)ရက်နေ့ထိ မနက်(၈)နာရီ(ခွဲ)မှ နေ့လည် (၁၂)နာရီထိ ကာကွယ်ဆေးများ ထိုးနှံပေးသွားမည်ဖြစ်ကြောင်း သိရသည်။
သတင်း - ဇော်ထက်
မြန်မာနေရှင်နယ်ပို့စ်
No comments:
Post a Comment