MNP - စက်တင်ဘာ ၁၀
မကွေးတိုင်းဒေသကြီး၊ နတ်မောက်မြို့နယ်တွင်လုံခြုံရေး၊ နယ်မြေတည်ငြိမ်အေးချမ်းရေး တရားဥပဒေစိုးမိုးရေး၊ ဒေသဖွံ့ဖြိုးရေး၊ ပညာရေး၊ ကျန်းမာရေးကိစ္စရပ်များ ဆောင်ရွက်နိုင်ရေး အတွက် ကွင်းဆင်းတွေ့ဆုံပွဲကို ယမန်နေ့နံနက် (၁၁) နာရီအချိန်က စာရာန်အိုင့်ကျေးရွာ ယာယီ နားနေဆောင် အဆောက်အဦးတွင် ကျင်းပပြုလုပ်ခဲ့သည်။
ရှေးဦးစွာ မြို့နယ်ရဲတပ်ဖွဲ့မှူးရဲမှူး တင်ကိုကိုက ပြည်သူ့အကျိုးပြုဒေသဖွံ့ဖြိုးရေးလုပ်ငန်းနှင့် ပြည်သူ့လုံခြုံရေး အကြောင်းအရာများကို ရှင်းလင်းပြောကြားခြင်း၊ မြို့နယ်အထွေထွေအုပ်ချုပ်ရေး ဦးစီးဌာန ဒု-ဦးစီးမှူး ဦးအောင်ကိုဌေးက ကျေးရွာရှိပြည်သူများကို ကိုဗစ်-၁၉ ကာကွယ်ဆေးကို အကြိမ်ပြည့် မပျက်မကွက်ထိုးနှံမှု ခံယူကြရန်စသည့် အကြောင်းအရာများ ရှင်းလင်းခြင်းနှင့် မြို့နယ် စိုက်ပျိုးရေးဦးစီးဌာန ဒု-ဦးစီးမှူး ဒေါ်တင်တင်မူက သစ်ဆွေးမြေဩဇာအကြောင်း သိကောင်း စရာများကို ရှင်းလင်းပြောကြားခဲ့ရာ တက်ရောက်လာသူများက သိရှိလိုသည့် အကြောင်းအရာ များကို မေးမြန်းခဲ့ရာ မြို့နယ်ရဲတပ်ဖွဲ့မှူးရဲမှူး တင်ကိုကိုက ပြန်လည်ဖြေကြား ဆွေးနွေးခဲ့ကြောင်း သိရသည်။
သတင်း - လှဝင်း
မြန်မာနေရှင်နယ်ပို့စ်
No comments:
Post a Comment