MNP - စက်တင်ဘာ ၂
မန္တလေးတိုင်းဒေသကြီး၊ ညောင်ဦးခရိုင် ကျောက်ပန်းတောင်းမြို့နယ် မိခင်နှင့်ကလေးစောင့် ရှောက်ရေးအသင်းနှင့် ပြည်သူ့ကျန်းမာရေးဌာနတို့ပူးပေါင်း၍ အဟာရဖွံ့ဖြိုးရေးရက်သတ္တပတ်လှုပ်ရှားမှုအဖြစ်၊ ကိုယ်ဝန်ဆောင်မိခင်များအား အဟာရဖြည့်စွက်စာများ ထောက်ပံ့ပေးအပ်ခြင်းနှင့် ပညာပေးဟောပြောခြင်းများကို၊ ယမန်နေ့နံနက် ၁၀ နာရီခွဲအချိန်က မြို့နယ်အထွေထွေအုပ်ချုပ်ရေးဦးစီးဌာနရုံး စကားဝါမြေခန်းမတွင် ပြုလုပ်ခဲ့ကြောင်း သိရသည်။
အဆိုပါ အခမ်းအနားတွင် မြို့နယ်မိခင်နှင့်ကလေးစောင့်ရှောက်ရေးအသင်းဥက္ကဋ္ဌ ဒေါ်နှင်းနှင်းဝေက အဟာရဖွံ့ဖြိုး ရေးရက်သတ္တပတ်လှုပ်ရှားမှုများနှင့်ပတ်သက်၍ ရှင်းလင်းပြောကြားပြီး၊ မြို့နယ်ပြည်သူ့ ကျန်းမာရေးဦးစီးဌာနမှ ဒေါ်ချိုချိုစံက ကိုယ်ဝန်ဆောင်ကာလအတွင်း ဆောင်ရန်ရှောင်ရန်အချက်များနှင့် အဟာရပြည့်မီရေး စားသုံးသင့်သည့် အစားအစာများ၊ အိုင်အိုဒင်းဆား၏ ကျန်းမာရေးအ ထောက်အကူပြု မှုအခြေအနေများကို ပညာပေးဟောပြောသည်။ ယင်းနောက် မြို့နယ်မိခင်နှင့်ကလေးစောင့်ရှောက်ရေး အသင်းဥက္ကဋ္ဌ ဒေါ်နှင်းနှင်းဝေနှင့်အဖွဲ့ဝင်များ၊ မြို့နယ်အမျိုးသမီးရေးရာအဖွဲ့ဝင်များက ကိုယ်ဝန်ဆောင် မိခင်(၂၀)ဦးတို့အား အဟာရဖြည့်စွက်စာများဖြစ်သည့် ဖီးကြမ်းငှက်ပျော၊ ကြက်ဥ၊ အိုင်အိုဒင်းဆားထုပ်များကို တစ်ဦးချင်း ထောက်ပံ့ပေးအပ်ခဲ့ကြောင်း သိရသည်။
သတင်း - နေအောင်
မြန်မာနေရှင်နယ်ပို့စ်
No comments:
Post a Comment