MNP ၊ စက်တင်ဘာ ၂၄
ရခိုင်ပြည်နယ်၊ ရသေ့တောင်မြို့နယ်စီမံအုပ်ချုပ်ရေးအဖွဲ့၏ ဦးဆောင်မှုဖြင့် ကျောင်းပတ်ဝန်းကျင်များသန့်ရှင်းသာယာလှပရေး၊ ကျောင်းဥပဓိရုပ်ကောင်းမွန်းရေးနှင့်သွေးလွန်တုပ်ကွေးရောဂါကြိုတင်ကာကွယ်ရေးအတွက် ဌာနဆိုင်ရာဝန်ထမ်းများ စုပေါင်းသန့်ရှင်းရေးလုပ်ငန်းဆောင်ရွက်ခြင်းကို ယနေ့၊ နံနက်(၇) နာရီအချိန်တွင် အမှတ်(၁)အခြေခံ ပညာအထက်တန်းကျောင်းခြံဝင်းအတွင်း ၌ ဆောင်ရွက်ခဲ့ကြသည်။
ထိုသို့ စုပေါင်းသန့်ရှင်းရေးများဆောင်ရွက်ရာတွင် မြို့နယ်စီမံအုပ်ချုပ်ရေးအဖွဲ့ ဥက္ကဌ ဦးနိုင်လင်ထက်နှင့်မြို့နယ်အဆင့်ဌာနဆိုင်ရာများဏ မီးသတ်တပ် ဖွဲ့ဝင်များ၊ ရပ်ကွက်အုပ်ချုပ်ရေးမှူးများနှင့်ပြည်သူများ စုစုပေါင်းအင်အား ၈၀ ခန့်တို့က ကျောင်းပတ်ဝန်းကျင်များသန့်ရှင်းသာယာလှပရေးနှင့်သွေးလွန် တုပ်ကွေးရောဂါ မဖြစ်ပွားစေရေးအတွက် ခြင်များခိုအောင်းနိုင်သည့် နေရာများ၊ ချုံနွယ်မြက်ပင်များအား ခုတ်ထွင်ရှင်းလင်းခြင်း၊ ပလစ်စတစ်ဗူးခွံ၊ အမှိုက်သရိုက်များအား တက်ညီလက်ညီ စုပေါင်းရှင်းလင်းဆောင်ရွက်ပေးခဲ့ကြောင်းသိရသည်။
ထွန်းလင်းကျော်
https://t.me/MyanmarNationalPost
No comments:
Post a Comment