MNP - စက်တင်ဘာ ၆
ပဲခူးတိုင်းဒေသကြီး တောင်ငူခရိုင် တောင်ငူမြို့၌ တိုင်းဒေသကြီးအဆင့် အားကစားပြိုင်ပွဲတွင် ထူးချွန်ဆုရရှိခဲ့သည့် အားကစားသမားများအား ဂုဏ်ပြုချီးမြှင့်ခြင်းကို ယနေ့နံနက်ပိုင်းက ဘိုးဘွားရိပ်သာခန်းမ၌ ကျင်းပသည်။
အခမ်းအနားတွင် တောင်ငူခရိုင် စီမံအုပ်ချုပ်ရေးအဖွဲ့ ဥက္ကဋ္ဌ ဦးစန်းလှိုင်က ဂုဏ်ပြု အဖွင့်အမှာစကားပြောကြားပြီး မြို့မိမြို့ဖ ဦးယဉ်ဌေးမှ ဂုဏ်ပြုဝမ်းမြောက်စကား ပြောကြားသည်။
ယင်းနောက် မြို့မိမြို့ဖများမှ ဂုဏ်ပြုချီးမြှင့်ငွေများ ပေးအပ်ရာ ခရိုင်အားကစားနှင့် ကာယပညာဦးစီးဌာနမှ ခရိုင်မှူးနှင့် နည်းပြများမှ လက်ခံရယူပြီး တောင်ငူခရိုင် ဘောလုံးအသင်းအုပ်ချုပ်သူ လက်ထောက်ညွှန်ကြားရေးမှူး ဒေါ်ခင်သီတာဦးက ပြိုင်ပွဲအတွေ့အကြုံ များနှင့် လေ့ကျင့်ဆောင်ရွက်ပေးခဲ့မှုများအား ရှင်းလင်းပြောကြားသည်။
ဆက်လက်၍ ပဲခူးတိုင်းဒေသကြီး အစိုးရအဖွဲ့ ဝန်ကြီးချုပ်မှ ပေးအပ်သည့် ပထမဆုဖလားအား တောင်ငူခရိုင် စီမံအုပ်ချုပ်ရေးအဖွဲ့ ဥက္ကဋ္ဌ ဦးစန်းလှိုင်ထံ အပ်နှင်းခဲ့ပြီး ပြိုင်ပွဲဝင် အားကစားသမားများနှင့်အတူ အမှတ်တရ ဓာတ်ပုံများ စုပေါင်းရိုက်ကူးခဲ့ကြောင်း သိရသည်။
မြန်မာနေရှင်နယ်ပို့စ်
No comments:
Post a Comment