MNP - စက်တင်ဘာ ၁၉
ကရင်ပြည်နယ်၊ ဖာပွန်ခရိုင်၊ ကမမောင်းမြို့ ကိုးနဝင်းဘုန်းတော်ကြီးကျောင်းတွင် ပညာသင်ကြားနေသော ကျောင်းသား၊ ကျောင်းသူများအား Covid-19 RDTစစ်ဆေးခြင်းကို ယမန်နေ့နံနက်ပိုင်း(၁၁)နာရီချိန်က စစ်ဆေးပေးလျက်ရှိကြောင်း သိရသည်။
ကမမောင်းမြို့တွင် ကိုဗစ်-၁၉ရောဂါ ဖြစ်ပွား/သေဆုံးမှုကို လျှော့ချနိုင်ပြီး ကလေးငယ်များ ပညာသင်ယူခွင့် အခွင့်အလမ်းများ ကောင်းစွာရရှိရေးအတွက်ရည်ရွယ်၍ ဘုန်းတော်ကြီးကျောင်းနှင့် အခြေခံပညာကျောင်းအသီးသီးတွင် ပညာသင်ကြားနေသော ကျောင်းသား၊ ကျောင်းသူများအား ကိုဗစ်-၁၉ရောဂါ ကြိုတင်ကာကွယ်ခြင်းလုပ်ငန်းများကိုအရှိန်အဟုန်မြင့် ဆောင်ရွက်ပေးလျက်ရှိကြောင်း သိရသည်။
အဆိုပါ Covid -19 RDTစစ်ဆေးပေးရာတွင် ကမမောင်းမြို့ အထွေထွေအုပ်ချုပ်ရေးဦးစီးဌာနမှ ဦးသန်းကျော်သူက ကမမောင်းမြို့၊ ကိုးနဝင်းကျောင်းတွင် ပညာသင်ကြားနေသော ကျောင်းသား၊ ကျောင်းသူ(၁၈၇)ဦးအား စစ်ဆေးရာတွင် ကျောင်းသူ(၂)ဦး Covid-19 ရောဂါ ပိုးတွေ့ ရှိခဲ့ပြီး အဆိုပါပိုးတွေ့လူနာများအား သီးသန့်ဘော်ဒါဆောင်တွင်ထားရှိကြောင်း သိရသည်။
သတင်း - တင်တင်လှ
မြန်မာနေရှင်နယ်ပို့စ်
No comments:
Post a Comment