MNP ၊ စက်တင်ဘာ ၂၆
ရခိုင်ပြည်နယ်၊ ကျောက်ဖြူမြို့၌ ကိုဗစ်-၁၉ ရောဂါကြိုတင်ကာကွယ်ရေးအတွက် မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌနှင့် အဖွဲ့ဝင်များ၊ ကိုဗစ်-၁၉ ကာကွယ်ထိန်းချုပ်ရေး မြို့နယ် အဆင့်ကော်မတီများအဖွဲ့ဝင်များ ပူးပေါင်း၍ ယနေ့ နံနက်ပိုင်းက အခြေခံပညာကျောင်းများ သို့သွားရောက်ပြီး Mask Campaign ဆောင်ရွက်ခဲ့သည်။
ထိုသို့ ကွင်းဆင်းဆောင်ရွက်ရာတွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးမျိုးမင်းထွဏ်း နှင့် စီမံအုပ်ချုပ်ရေးအဖွဲ့ဝင်များ၊ ကိုဗစ်-၁၉ ကာကွယ်ထိန်းချုပ်ရေး မြို့နယ်အဆင့်ကော်မတီများ အဖွဲ့ဝင်များနှင့် ဌာနဆိုင်ရာများပူးပေါင်း၍ အမက(အစိုးရ)၊ လေ့ကျင့်ရေးအလယ်တန်းကျောင်း နှင့် အမှတ်(၁)အခြေခံပညာအထက်တန်းကျောင်းများသို့ သွားရောက်ပြီး ကျောင်းသား၊ ကျောင်းသူများကို နှာခေါင်းစည်း (Mask)များ စနစ်တကျတပ်ဆင်စေခြင်း အသိပညာပေးဟော ပြောခဲ့ပြီး နှာခေါင်းစည်း(Mask)အခု(၁၅၀၀)ကျော်ကို အခြေခံပညာကျောင်းများရှိ ဆရာ၊ ဆရာမ များနှင့်ကျောင်းသား၊ ကျောင်းသူများအား အခမဲ့ဝေငှပေးကာ ကိုဗစ်-၁၉ ရောဂါကြိုတင် ကာကွယ်ရေးအား အရှိန်အဟုန်မြှင့် ဆောင်ရွက်လျက်ရှိကြောင်း သိရှိရသည်။
တင်ထွန်းဦး၊ ဖြိုးဝေလင်း
https://t.me/MyanmarNationalPost
No comments:
Post a Comment