MNP - စက်တင်ဘာ ၁၀
ရှမ်းပြည်နယ်(တောင်ပိုင်း)၊ လင်းခေးခရိုင်၊ မိုင်းပန်မြို့နယ်၌ မြို့နယ်စီမံအုပ်ချုပ်ရေးအဖွဲ့၏ ဦးဆောင်မှုဖြင့် ဌာနဆိုင်ရာများ ပူးပေါင်းပြီး ကိုဗစ်-၁၉ မျိုးကွဲသစ် အိုမီခရွန်ရောဂါ ကာကွယ်ထိန်းချုပ်ရေး Mask Campaign ပြုလုပ်ခြင်းကို မိုင်းပန်မြို့နယ်လူစည်ကားရာ မြို့မဈေးရှေ့နှင့် မွေတော်ဈေးရှေ့၌ ယမန်နေ့နံနက် ၆ နာရီအချိန်တွင် နှာခေါင်းစည်း (Mask) များ တပ်ဆင်သွားလာစေရေး Mask များ အခမဲ့ဖြန့်ဝေပေးခဲ့ကြောင်း သိရသည်။
ကိုဗစ်-၁၉ မျိုးကွဲသစ် အိုမီခရွန်ရောဂါသည် ယခုအခါ တစ်ချို့မြို့နယ်အတွင်း ပြန်လည်ပြန့်ပွား လျက်ရှိရာ မိုင်းပန်မြို့နယ်အတွင်း ပြန့်ပွားမှုမရှိစေရေးအတွက် မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးဟန်ဇော်မြင့်နှင့် အဖွဲ့ဝင်များဦးဆောင်၍ ဌာနဆိုင်ရာများ၊ မြန်မာနိုင်ငံရဲတပ်ဖွဲ့၊ မီးသတ်တပ်ဖွဲ့ဝင်များ၊ အမျိုးသမီးရေးရာအဖွဲ့ဝင်များ၊ မိခင်နှင့်ကလေးစောင့်ရှောက်ရေး အဖွဲ့များ ပူးပေါင်းကာ မြို့နယ်အတွင်းရှိ ပြည်သူများ ကိုဗစ်-၁၉ မျိုးကွဲသစ် အိုမီခရွန်ရောဂါ ကာကွယ်ထိန်းချုပ်ရေးဆိုင်ရာ ညွှန်ကြားချက်များ၊ လမ်းညွှန်ချက်များအပေါ် လိုက်နာ ဆောင်ရွက်ကြစေရေး၊ နှာခေါင်းစည်း (Mask) များကို နေအိမ်မှပြင်ပသို့ ထွက်ခွာသည့်အခါတိုင်း စနစ်တကျ တပ်ဆင်သွားလာစေရေး အသိပညာပေးလုပ်ငန်းများ ဆောင်ရွက်ပေးခဲ့ပြီး နှာခေါင်းစည်း (Mask)များ နှင့်လက်ကမ်းစာစောင်များ အခမဲ့ဖြန့်ဝေပေးခဲ့ကြောင်း သိရှိရသည်။
မြန်မာနေရှင်နယ်ပို့စ်
No comments:
Post a Comment