MNP - စက်တင်ဘာ ၃၀
ပဲခူးတိုင်းဒေသကြီး၊ ပြည်ခရိုင်၊ ပေါက်ခေါင်းမြို့နယ် ကွမ်းအုံစုကျေးရွာတွင် NEP ဖြင့် ဆောင်ရွက်သော ကျေးရွာမီးလင်းရေး ဖွင့်ပွဲအခမ်းအနားကို ယနေ့နံနက် ၁၁ နာရီက အဆိုပါကျေးရွာရှိ ထရန်စဖော်မာရှေ့တွင် ကျင်းပပြုလုပ်ခဲ့သည်။
ဖွင့်ပွဲတွင် ပြည်ခရိုင်စီမံအုပ်ချုပ်ရေးအဖွဲ့ ဥက္ကဋ္ဌ ဦးသိန်းအောင် က အဖွင့်အမှာစကားပြောကြားပြီး၊ ပေါက်ခေါင်းမြို့နယ် လျှပ်စစ်အင်ဂျင်နီယာ ဦးဖြိုးမောင်မောင်ဇော် က NEP လျှပ်စစ်မီးလင်းရေး လုပ်ငန်းဆောင်ရွက်မှုအခြေအနေများနှင့် ကျေးရွာမီးလင်းရေးကော်မတီအတွင်းရေးမှူး ဦးအောင်ချိုမြင့် က ကျေးဇူးတင်စကား ပြန်လည်ပြောကြားသည်။ ထို့နောက်ကွမ်းအုံစုကျေးရွာ မီးလင်းရေးဆိုင်းဘုတ်အား ပြည်ခရိုင်စီမံအုပ်ချုပ်ရေးအဖွဲ့ ဥက္ကဋ္ဌ ဦးသိန်းအောင်၊ ခရိုင်စီမံကိန်းဦးစီးမှူး ဦးဝင်းကို၊ မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးဖြိုးသူမောင်နှင့် ကျေးရွာမီးလင်းရေးကော်မတီ ဥက္ကဋ္ဌ ဦးသန်းအောင်တို့က ဖဲကြိုးဖြတ်ဖွင့်လှစ်ပေးခဲ့သည်။ အဆိုပါ NEP ဖြင့် ကျေးရွာလျှပ်စစ်မီးစတင်ရရှိနေပြီဖြစ်ရာ ကွမ်းအုံစုကျေးရွာရှိ အိမ်ခြေ ၁၂၀ နှင့် အိမ်ထောင်စု ၁၂၅ စုတို့၏ လူမှုစီးပွားဖွံ့ဖြိုးတိုးတက်လာတော့မည်ဖြစ်ကြောင်း သိရသည်။
သတင်း - သန်းထွန်းအောင်
မြန်မာနေရှင်နယ်ပို့စ်
No comments:
Post a Comment