MNP ၊ စက်တင်ဘာ ၂၉
ရခိုင်ပြည်နယ်၊ မောင်တောမြို့၌ စာကြည့်တိုက်လုပ်ငန်းစီမံခန့်ခွဲမှု(Online)သင်တန်းကို ပြန်ကြား ရေး နှင့်ပြည်သူ့ ဆက်ဆံရေးဦးစီးဌာန ၊ မောင်တောခရိုင်ရုံး လူထုအခြေပြုဗဟိုဌာန Community Center ခန်းမ၌ ယနေ့ နေ့လယ် ၁ နာရီအချိန် က Zoom Meeting ဖြင့် ဆက်လက်သင်တန်း ပို့ချပေးလျက်ရှိသည်။
အဆိုပါ သင်တန်းတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန ၊မောင်တောခရိုင်ရုံးမှ လက်ထောက် ညွန် ကြား ရေးမှူး ဦးဇော် ဇော်ဆန်းက စာပေပစ္စည်းများ ထိန်းသိမ်းနည်း ဘာသာရပ်တွင် ရှေးဟောင်း ကျောက်စာ ၊ ပေ စာ စသည့်တို့ကို ကာကွယ်နိုင်မှု ၊ စာပေယဉ်ကျေးမှုများကို ထိန်းသိမ်းမှု ၊ စာအုပ်စာပေများ သက်တန့်ရှည်ကြာစွာ ထိန်း သိမ်း မှု နည်း လမ်းများ ၊ ရုပ်ပိုင်းဆိုင်ရာ ပျက်စီးမှုများ ၊ စာအုပ်စာပေသည့် တိုင်းပြည်နှင့် လူမျိုးအတွက် အရေးပါပုံများ ၊ မှတ်တမ်း ၊မှတ်ရာ သမိုင်းများကို နောင်လာ ၊နောင်သာများ ဖတ်ရှုနိုင်ရေးအတွက် ဆောင်ရွက်ရမည့် အခြေအနေများအား အကျယ်တဝင့် ရှင်းလင်းဆွေးနွေး သင်ကြားပို့ချပေးခဲ့ကြောင်းသိရသည်။
အဆိုပါ သင်တန်းကို ပြန်ကြားရေးနှင့်ပြည်သူ့ဆက်ဆံရေး ဦးစီးဌာန၊ မောင်တောခရိုင်အတွင်းရှိ ခရိုင်/မြို့နယ် ၊မြို့ရုံးများရှိ ဝန်ထမ်း (၁၁)ဦးတက်ရောက်လျက်ရှိပြီး သင်တန်းတွင် ပြည်သူ့စာကြည့်တိုက်စီမံခန့်ခွဲမှု ဘာသာရပ် ၊ စာပေ ပစ္စည်းထိန်းသိမ်းနည်း ဘာသာရပ် ၊ မျိုးတူစုလုပ်ငန်းဘာသာရပ် တို့အား စက်တင်ဘာ ၂၈ ရက်နေ့မှ ၃၀ ရက်နေ့ထိ သုံး ရက်ကြာသင်ကြားပို့ချပေးမည်ဖြစ်ကြောင်းသိရသည်။
အောင်ကျော်စိန် ၊ သက်လွင်စိုး
https://t.me/MyanmarNationalPost
No comments:
Post a Comment