MNP ၊ အောက်တိုဘာ ၂၂
ရခိုင်ပြည်နယ်၊ ရမ်းဗြဲမြို့၌ မြို့ ရွာများ သန့်ရှင်းသာယာလှပစေရေးအတွက် မြို့နယ်စီမံအုပ်ချုပ်ရေး အဖွဲ့၏ စီစဉ်ဆောင်ရွက်မှုဖြင့် အပတ်စဉ်စနေနေ့တိုင်း ဌာနဆိုင်ရာဝန်ထမ်းများမှ ပြည်သူ့အကျိုးပြုလုပ်ငန်း အဖြစ် စုပေါင်းသန့်ရှင်းရေးဆောင်ရွက်ပေးလျက်ရှိရာ ယနေ့ နံနက် ၇ နာရီက ရမ်းဗြဲမြို့၊ အမှတ်(၄)ရပ်ကွက်၊ခရေပင်လမ်း၊ ဦးမြဝါလမ်းနှင့် အောင်စေတီကမ်းနားလမ်း (၃)လမ်းဆုံနေရာနှင့် မြို့နယ်စည်ပင်သာယာရေးပန်းခြံ၊ ကလေးကစားကွင်း နေရာများတို့တွင် စုပေါင်းသန့်ရှင်းရေးဆောင်ရွက်ပေးကြသည်။
ထိုသို့ဆောင်ရွက်ကြရာတွင် လမ်းဘေးဝဲ ယာ မှစွန့်ပစ်ပလပ်စတစ်များကောက်ပေးခြင်း၊ အမှိုက်များကောက်ပေးခြင်းနှင့်ပန်းခြံနှင့်ကလေးကစားကွင်းအတွင်း မြက်များခုတ်ထွင်ရှင်းလင်းပေးခြင်း၊ ကလေးကစားကွင်းတွင် ကစားရန်ရေက်ရှိလာမည့်ကလေးငယ်များ စိတ်ချမ်းမြေ့ပျော်ရွှင်စွာကစားနိုင်ရေးအတွက် သန့်ရှင်းရေးများကို စုပေါင်းဆောင်ရွက်ပေးခဲ့ကြသည်။
မြို့နယ်စည်ပင်သာယာရေးအဖွဲ့မှလည်း မြို့သန့်ရှင်းသာယာလှပစေရေးအတွက် ပန်းခြံနှင့် ကလေးကစားကွင်းခြံစည်းရိုးများနှင့် လမ်းပလက်ဖောင်းများအား ဆေးရောင်များသုတ်ပေးလျက်ရှိသည်။
အဆိုပါ ဆောင်ရွက်ရာသို့ မြို့နယ်အထွေထွေအုပ်ချုပ်ရေးဦးစီးဌာနမှတန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊မီးသတ်တပ်ဖွဲ့ဝင်များနှင့်ဌာနဆိုင်ရာဝန်ထမ်းများမှစုပေါင်းဆောင်ရွက်ပေးခဲ့ကြကြောင်းသိရသည်။
အောင်နိုင်
https://t.me/MyanmarNationalPost
No comments:
Post a Comment