MNP - နိုဝင်ဘာ ၂၀
ရှမ်းပြည်နယ်တောင်ပိုင်း ပအိုဝ်းကိုယ်ပိုင်အုပ်ချုပ်ခွင့်ရဒေသ ပင်လောင်းမြို့နယ် စိုက်ပျိုးရေးဦးစီးဌာနမှ ဝန်ထမ်းများက မင်းဘူးကျေးရွာအုပ်စု၊ ကော်သရွဲရွာတွင် ယာစပါးစံပြကွက်များ ရိတ်သိမ်းမှုလုပ်ငန်းများကို ယမန်နေ့ နံနက်ပိုင်းက ကွင်းဆင်းဆောင်ရွက်ခဲ့ကြကြောင်း သိရသည်။
အဆိုပါ ယာစပါးစံပြကွက်ရိုက်သိမ်းရာတွင် တောင်သူ ဦးပေါက်၏ ကွင်းအမှတ်(၃၀၅၉) ဦးပိုင်အမှတ်(၂၃၀)၌ မျိုးကွဲကုန်ပြင်-၂ စံပြ စိုက်ပျိုးထားသည့် စပါးတစ်ဧက ပျဉ်းမျှအထွက်နှုန်း(၆၆)တင်း၊ တောင်သူ ဦးမောင်ရီ၏ ကွင်းအမှတ်(၃၀၅၉) ဦးပိုင်အမှတ်(၇၅၀)၌ မျိုးကွဲဘူကျောက် စံပြစိုက်ပျိုးထားသည့် စပါးတစ်ဧက ပျဉ်းမျှအထွက်(၆၂)တင်း၊ တောင်သူ ဒေါ်ငွေ၏ ကွင်းအမှတ်(၃၀၅၉) ဦးပိုင်အမှတ်(၃၂၄)၌ ဒေသမျိုးစပါး စံပြစိုက်ပျိုးထားသည့် စပါးတစ်ဧက ပျဉ်းမျှအထွက်နှုန်း(၃၂. ၃၀)တင်း ထွက်ရှိကြောင်း စိုက်ပျိုးရေးဦးစီးဌာနထံမှ သိရသည်။
သတင်း - ခွန်အာကာစိုး
မြန်မာနေရှင်နယ်ပို့စ်
No comments:
Post a Comment