MNP - နိုဝင်ဘာ ၄
ရန်ကုန်တိုင်းဒေသကြီး၊ ကမာရွတ်ခရိုင်၊ ကမာရွတ်မြို့နယ်တွင် နိုဝင်ဘာ(၃)ရက်နေ့(၀၉:၃၀) အချိန်က ကမာရွတ်မြို့နယ်၊ အမှတ်(၃) ရပ်ကွက်ရှိ မြို့နယ်ပြည်သူ့ကျန်းမာရေးဦးစီးဌာနရုံးတွင် ခရိုင်စီမံအုပ်ချုပ်ရေးအဖွဲ့ဝင်-၂ ဦးအောင်ဝင်းသန်း၊ မြို့နယ်အထွေထွေ အုပ်ရုံးခေတ္တမြို့နယ် အုပ်ချုပ်ရေးမှူး ဦးဝေဖြိုးအောင်နှင့် မြို့နယ်တာဝန်ခံဆရာဝန်ကြီး Dr သင်းသင်းနိုင်တို့ ပါဝင်သောအဖွဲ့မှ ပြည်သူများအား ကိုဗစ်-၁၉ကာကွယ်ဆေးထိုးနှံခြင်း၊ (၅)နှစ်အောက် ကလေးကာကွယ်ဆေးထိုးနှံခြင်းနှင့် ကိုယ်ဝန်ဆောင်မိခင်များ မေးခိုင်ကာကွယ်ဆေး ထိုးနှံနေမှုတို့အား သွားရောက်ကြည့်ရှု အားပေးခဲ့ပြီး ကိုယ်ဝန်ဆောင်မိခင်များတစ်ဦးလျှင် ကြက်ဥ(၁၀)လုံး ထောက်ပံ့ပေးအပ်ခဲ့
ကြောင်း သိရပါသည်။
ထို့နောက်အဖွဲ့ဝင်များသည်ဆက်လက်၍ နံနက်(၁၀:၃၀)အချိန်တွင် အမှတ်(၁၀)ရပ်ကွက်၊ အောင်မင်းခေါင်ဘုရားနှင့် အမှတ်(၉)ရပ်ကွက်၊တက္ကသိုလ်ဓမ္မာရုံတွင် မြို့နယ်အထွေထွေအုပ်ချုပ်ရေးဦးစီးဌာနမှ ရုံးဝန်ထမ်းများ စုပေါင်းဝတ်ရွတ်ဆိုနေမှုအား သွားရောက်ကြည့်ရှု အားပေးခဲ့ကြောင်း သိရှိရပါသည်။
သတင်း - စိမ်းလဲ့
မြန်မာနေရှင်နယ်ပို့စ်
No comments:
Post a Comment