MNP - ဒီဇင်ဘာ ၃၀
ပို့ဆောင်ရေးနှင့်ဆက်သွယ်ရေးဝန်ကြီးဌာန၊ ဗဟိုပို့ဆောင်ဆက်သွယ်ရေးကျောင်းတွင် ရာထူးတံဆိပ် တပ်ဆင်ခြင်းအခမ်းအနားကို ယမန် နေ့ မွန်းလွဲပိုင်းက အဆိုပါသင်တန်းကျောင်းရှိ အစည်းအဝေးခန်းမ(၁)တွင် ကျင်းပခဲ့ကြောင်း သိရသည်။
အခမ်းအနားတွင် ဗဟိုပို့ဆောင်ဆက်သွယ်ရေးကျောင်းမှ ကျောင်းအုပ်ကြီး ဦးမင်းချစ်ဦးက ဂုဏ်ပြုအမှာစကား ပြောကြားခဲ့သည်။ ယင်းနောက် ကျောင်းအုပ်ကြီး ဦးမင်းချစ်ဦး၊ ဒုတိယကျောင်းအုပ်ကြီး ဒေါ်ခင်သီတာမင်း၊ ညွှန်ကြားရေးမှူး ဒေါက်တာအောင်မျိုးကျော်နှင့် ညွှန်ကြားရေးမှူး ဦးလှမိုးတို့က အငယ်တန်းအင်ဂျင်နီယာ-၁နှင့် အငယ်တန်းအင်ဂျင်နီယာ-၂ ရာထူးနေရာများတွင် တိုးမြင့်ရရှိသွား သည့် ဦးစိုင်းထူးကျော်(အငယ်တန်းအင်ဂျင်နီယာ-၁)နှင့် ဒေါ်သဲအိဖြူ(အငယ်တန်းအင်ဂျင်နီယာ-၂) တို့အား ရာထူးအမှတ်တံဆိပ်များ အသီးသီး တပ်ဆင် ပေးအပ်ခဲ့ကြောင်း သိရသည်။
အဆိုပါ ရာထူးတံဆိပ်တပ်ဆင်ခြင်းအခမ်းအနားကို ဗဟိုပို့ဆောင်ဆက်သွယ်ရေးကျောင်းမှ ကျောင်းအုပ်ကြီးဦးမင်းချစ်ဦး၊ ဒုတိယကျောင်း အုပ်ကြီး ဒေါ်ခင်သီတာမင်း၊ ညွှန်ကြားရေးမှူးများ၊ ဒုတိယညွှန်ကြားရေးမှူးများနှင့် တာဝန်ရှိသူများ တက်ရောက်ခဲ့ကြကြောင်း သိရသည်။
သိန်းမြင့်ကျော်
https://t.me/MyanmarNationalPost
No comments:
Post a Comment