MNP - ဇန်နဝါရီ ၃၁
အနောက်ပိုင်းတိုင်းစစ်ဌာနချုပ်၊ အမှတ်(၂) တပ်မတော်ဆေးရုံ ကုတင်(၃၀၀) နယ်လှည့်ဆေးကုသရေးအဖွဲ့မှ ပါရဂူများ၊ ဆေးမှူးများ၊ သူနာပြုများပါဝင်သော ဆေးကုသရေးအဖွဲ့က ရခိုင်ပြည်နယ်၊ တောင်ကုတ်ခရိုင်၊ မအီမြို့၊ ရတနာမာရ်အောင်တောရဓမ္မရိပ်သာ၌ မအီမြို့နယ် ရပ်ကွက်/ကျေးရွာများမှ သံဃာတော်များ၊ သာသနာ့နွယ်ဝင် သီလရှင်များနှင့် ဒေသခံပြည်သူများအား အခမဲ့ ကျန်းမာရေးစောင့်ရှောက်ပေးမှု လုပ်ငန်းများကို ဆက်လက်ဆောင်ရွက်ပေးလျက်ရှိသည်။
ထိုသို့ ဆောင်ရွက်ပေးလျက်ရှိရာ ဇန်နဝါရီ ၃၁ ရက်နေ့တွင် အနောက်ပိုင်းတိုင်းစစ်ဌာနချုပ်တိုင်းမှူး ဗိုလ်ချုပ်ထင်လတ်ဦးနှင့် တာဝန်ရှိသူများက နယ်လှည့်ဆေးကုသရေးအဖွဲ့မှ မအီမြို့နှင့် ပတ်ဝန်းကျင်ကျေးရွာများမှ သံဃာတော်များ၊ သာသနာ့နွယ်ဝင် သီလရှင်များနှင့် ဒေသခံပြည်သူများအား မျက်စိရောဂါ၊ သွားရောဂါ၊ ကလေးရောဂါ၊ ခွဲစိပ်ရောဂါနှင့် အခြားအထွေထွေရောဂါလူနာများအား လိုအပ်သည့်ဆေးဝါးကုသမှုများဆောင်ရွက်ပေးပြီး ECG နှင့် အမ်ထရာဆောင်းတို့ဖြင့် ရောဂါရှာဖွေ စမ်းသပ်ပေးခြင်းများ ဆောင်ရွက်ပေးနေမှုများကို လှည့်လည်ကြည့်ရှုအားပေးပြီး ဒေသခံပြည်သူများအား ရင်းရင်းနှီးနှီးလိုက်လံနှုတ်ဆက်ကာ ဆေးရုံတက်ရောက်ကုသရန် လိုအပ်သောလူနာများအား အမ်းမြို့ရှိ အမှတ်(၂) တပ်မတော်ဆေးရုံ ကုတင်(၃၀၀)သို့ တက်ရောက်ကုသနိုင်ရေးအတွက် တာဝန်ရှိသူများနှင့် ပေါင်းစပ်ညှိနှိုင်း ဆောင်ရွက်ပေးခဲ့သည်။
ဖော်ပြပါ မအီမြို့နှင့် ပတ်ဝန်းကျင်ကျေးရွာများမှ သံဃာတော်များ၊ သာသနာ့နွယ်ဝင် သီလရှင်များနှင့် ဒေသခံပြည်သူများအား အခမဲ့ ကျန်းမာရေးစောင့်ရှောက်မှုများဆောင်ရွက်ပေးခဲ့ရာ ယနေ့ ဒုတိယနေ့တွင် ဒေသခံပြည်သူ ၄၂၁ ဦးနှင့် သံဃာတော် ၃၁ ပါး စုစုပေါင်း ၄၅၂ ဦးတို့အား ကျန်းမာရေးစောင့်ရှောက်မှုများ ဆောင်ရွက်ပေးနိုင်ခဲ့ပြီး နယ်လှည့်ဆေးကုသရေးအဖွဲ့အနေဖြင့် မအီမြို့နှင့် ရပ်ကွက်/ကျေးရွာများမှ သံဃာတော်များ၊ သာသနာ့နွယ်ဝင် သီလရှင်များနှင့် ဒေသခံပြည်သူများအား ကျန်းမာရေးစောင့်ရှောက်မှုလုပ်ငန်းများနှင့် ရောဂါရှာဖွေစမ်းသပ်ကုသမှု လုပ်ငန်းများကို ဆက်လက်ဆောင်ရွက်ပေးသွားမည်ဖြစ်ကြောင်း သတင်းရရှိသည်။
မောင်မောင်ဌေး
https://t.me/MyanmarNationalPost
No comments:
Post a Comment