MNP - ဇန်နဝါရီ ၁၂
ရခိုင်ပြည်နယ်၊ ကျောက်ဖြူမြို့၊ ကျောက်တစ်လုံး IDPs စခန်း၌ ခိုလှုံနေပြည်သူများအား မီးဘေးအန္တရာယ်မကျရောက်စေရန်အတွက် ယနေ့ နံနက်ပိုင်းက မီးသတ်တပ်ဖွဲ့ဝင်များမှ အဆိုပါ ခိုလှုံရာစခန်းသို့သွားရောက်၍ မီးဘေးလုံခြုံရေး ကွင်းဆင်းစစ်ဆေးခဲ့သည်။
ထိုသို့ကွင်းဆင်းစစ်ဆေးမှုကို ကျောက်ဖြူမြို့နယ်မီးသတ်ဦးစီးမှူး ဦးစီးအရာရှိ ဦးမင်းသူ ဦးဆောင်သည့် မီးသတ်တပ်ဖွဲ့ဝင်များ၊ အမှတ်(၁)တပ်ခွဲ၊ ကျောက်တစ်လုံး လုံခြုံရေးရဲကင်းစခန်း၊ အမှတ်(၃၂) လုံခြုံရေးရဲတပ်ဖွဲ့ခွဲမှ တပ်ဖွဲ့ဝင်များနှင့် ဂုံးချွိန်ကျေးရွာအုပ်စု အုပ်ချုပ်ရေးမှူး တို့ပါဝင် သည့် ပူးပေါင်းအဖွဲ့တို့က ခိုလှုံရာကျောက်တစ်လုံး IDPs စခန်းသို့သွားရောက်ပြီး ၎င်းစခန်းနေပြည် သူများ၏နေအိမ်များ၌ သွယ်တန်းထားရှိသော ဝါယာကြိုးများ ပေါက်ပြဲဆွေးမြေ့ နေမှုရှိ/မရှိ၊ မီးသုံးစွဲမှုစနစ်တကျရှိ/မရှိ၊ အရေးပေါ်မီးသတ်ဆေးဗူးများထားရှိမှု ရှိ/မရှိ၊ မီးသတ်ကတ်များ၊ မီးသတ်ခွင်းများနှင့် အရေးပေါ်မီးငြှိမ်းသတ်နိုင်ရန် ရေလှောင်ကန်များတွင် ရေသိုလှောင်ထားရှိမှု တို့အား လှည့်လည်ကြည့်ရှုစစ်ဆေးခဲ့ပြီး မီးဘေးကြိုတင်ကာကွယ်ရေးဆိုင်ရာ အချက်အလက်များ နှင့် မီးလောင်မှု၊ မီးလန့်မှုမျျားမဖြစ်ပေါ်စေရေးတို့ကို အကြံပြုမှာကြားခဲ့ကြောင်း သိရှိရသည်။
တင်ထွန်းဦး၊ဖြိုးဝေလင်း
https://t.me/MyanmarNationalPost
No comments:
Post a Comment