MNP ၊ မတ် ၂၂
ရှမ်းပြည်နယ်(မြောက်ပိုင်း)၊ ကျောက်မဲခရိုင်၊ မိုင်းငေါ့မြို့၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ပြည်သူ့စာကြည့်တိုက် ကလေးစာဖတ်ခန်းတွင် နွေရာသီကျောင်းပိတ်ရက် ကလေးများ၏ ဉာဏ်ရည် ဖွံ့ဖြိုး တိုးတက်ရေးအတွက် ဂိမ်းပြိုင်ပွဲများကျင်းပခြင်းကို ယနေ့နံနက် ၁၀ နာရီက ပြုလုပ်ခဲ့ကြောင်း သိရသည်။
ကျောင်းသား/သူများ နွေရာသီအားလပ်ရက်တွင် အသိပညာ၊ အတတ်ပညာများနှင့် စာအုပ်/ စာစောင်များမှ ပေးသည့် ဗဟုသုတများတိုးပွားရရှိရေး ၊ကလေးများကြိုက်နှစ်သက်ရာ အစီအစဉ် များနှင့် ၎င်းတို့ဝါသနာထုံရာ ဂိမ်းပြိုင်ပွဲများကို ပြုလုပ်ဆောင်ရွက်ပေးလျက်ရှိပြီး အဆိုပါပြိုင်ပွဲ၌ စစ်တုရင်၊ မိုနိုပိုလီဂိမ်း၊ ဒိုးဇာက်ကစားခြင်းကို ယှဉ်ပြိုင်ကစားကြခြင်း၊ စာပေချစ်မြတ်နိုးသူများက စာအုပ်/စာစောင်များဖတ်ရှုခြင်းနှင့် မိမိစိတ်ဝင်စားသည့် အစီအစဉ်များကို ပူးပေါင်းလုပ်ဆောင်လျက်ရှိပြီး နွေရာသီကျောင်းပိတ်ရက် အားလပ်ချိန်များ၌ ကလေးများ၏ ဉာဏ်ရည်ဉာဏ်သွေးများ ဖွံ့ဖြိုးတိုးတက်ရေးအတွက် ဆောင်ရွက်ပေးခြင်းဖြစ်ကြောင်း သိရသည်။
မြင့်သွယ်
https://t.me/MyanmarNationalPost
No comments:
Post a Comment