MNP ၊ မတ် ၂၁
မကွေးတိုင်းဒေသကြီး၊ သရက်ခရိုင်၊ ကံမမြို့နယ်တွင် ၂၀၂၃-၂၀၂၄ ပညာသင်နှစ် အခြေခံပညာအလယ်တန်း၊ အထက်တန်းဆင့် သင်ရိုးသစ်ဘာသာရပ် စွမ်းရည်မြှင့်ဆွေးနွေးပွဲ ဖွင့်ပွဲအခမ်းအနားကို အ.ထ.က(ကံမ) မြ၀တီခန်းမ၌ ယနေ့ နံနက် ၉ နာရီက ကျင်းပပြုလုပ်ခဲ့သည်။
အခမ်းအနားတွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌကိုယ်စား ဒုတိယမြို့နယ်အုပ်ချုပ်ရေးမှူး ဦးသက်လွင်ဦးက အဖွင့်အမှာစကား ပြောကြားပြီးနောက် မြို့နယ်ပညာရေးမှူး ဦးကိုကိုမောင်က ဆွေးနွေးပွဲသင်တန်းဖွင့်လှစ်ရခြင်း ရည်ရွယ်ချက်အား ရှင်းလင်းပြောကြားခဲ့သည်။ ထို့နောက် ဒုတိယမြို့နယ် ပညာရေးမှူး ဦးမျိုးသူရအောင်က ဆွေးနွေးပွဲသင်တန်းနှင့် ပတ်သက်သည့် လုပ်ငန်းဆောင်တာများ လိုက်နာဆောင်ရွက်ရမည့် စည်းကမ်းချက်များနှင့် ပတ်သက်၍ ရှင်းလင်းပြောကြားခဲ့သည်။
အဆိုပါ ဆွေးနွေးပွဲသင်တန်းအား အခြေခံပညာအလယ်တန်း၊ အထက်တန်းဆင့် ဆရာ၊ ဆရာမများ သင်ကြားမှုအရည်အသွေး မြင့်မားလာစေရန်နှင့် အရည်အသွေးပြည့်ဝသည့် ကျောင်းသား၊ ကျောင်းသူများ ပေါ်ထွန်းလာနိုင်စေရေး လေ့ကျင့်ပြုစုပျိုးထောင်ပေးနိုင်ရန်ရည်ရွယ်၍ ဖွင့်လှစ်ပေးခဲ့ခြင်းဖြစ်ကြောင်း သင်တန်းကို အလယ်တန်း၌ နည်းပြဆရာ ဆရာမ (၆) ဦးတို့မှ သင်တန်းသား ဆရာ၊ ဆရာမ (၁၆၅) တို့အားလည်းကောင်း အထက်တန်း၌ နည်းပြဆရာ၊ ဆရာမ(၉)ဦးတို့မှ သင်တန်းသား ဆရာ၊ ဆရာမ(၇၆)တို့အားလည်းကောင်း သင်ကြားပို့ချ ဆွေးနွေးသွားမည်ဖြစ်ပြီး သင်တန်းကာလမှာ (၄) ရက်ကြာမြင့် မည်ဖြစ်ကြောင်း မြို့နယ်ပညာရေးမှူးရုံးမှ သိရသည်။
ကျော်ဇေယျဝင်း
https://t.me/MyanmarNationalPost
No comments:
Post a Comment