MNP ၊ မတ် ၉
ရှမ်းပြည်နယ်တောင်ပိုင်း၊ လွိုင်လင်ခရိုင်၊ မိုင်းကိုင်မြို့နယ်၌ ၂၀၂၂-၂၀၂၃ ပညာသင်နှစ်၊ တက္ကသိုလ်ဝင်တန်းစာမေးပွဲတွင် ဝင်ရောက်ဖြေဆိုသည့် ကျောင်းသားကျောင်းသူ၊ လူငယ်လူရွယ်များအားလုံးစာမေးပွဲကို ထူးချွန်စွာဖြေဆိုအောင်မြင်နိုင်ရေး၊ မလျှော့သောဇွဲလုံ့လဖြင့် ကြိုးစားအားထုတ်ကြစေရေး အားပေးအားမြှောက်ပြုသည့်အနေဖြင့် ယနေ့မနက်ပိုင်းက မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့နယ်သမဝါယမဦးစီးဌာနနှင့် မြို့နယ်သမဝါယမအသင်းများကစုပေါင်း၍ လူငယ်စိတ်ဓာတ်မြှင့်တင်ရေးလှုပ်ရှားမှုတစ်ရပ် ကွင်းဆင်းဆောင်ရွက်ခဲ့သည်။
အဆိုပါကွင်းဆင်းမှုတွင် တက္ကသိုလ်ဝင်တန်းစာမေးပွဲဖြေဆိုသည့် ကျောင်းသား၊ ကျောင်းသူလူငယ်လူရွယ်များစုဝေးရာ FREC စာကျက်ဝိုင်းသို့သွားရောက်၍ လူငယ်စိတ်ဓာတ်မြှင့်တင်ရေးဟောပြောခြင်း၊ တွေ့ဆုံအားပေးစကားပြောကြားခြင်း၊ အာဟာရဖြစ်စေသည့် အစားအစာများအား တိုက်ကျွေးခြင်းများကို ပူးပေါင်းဆောင်ရွက်ခဲ့ကြသည်။
မိုင်းကိုင်မြို့နယ်၌ ၂၀၂၂-၂၀၂၃ ပညာသင်နှစ်၊ တက္ကသိုလ်ဝင်တန်းစာမေးပွဲတွင်ဝင်ရောက်ဖြေဆိုသူ ကျောင်းသား၊ ကျောင်းသူ ၁၅ ဦးရှိပြီး ယမန်နေ့တွင်ဖြေဆိုခဲ့သော မြန်မာစာဘာသာရပ်ကို ကောင်းမွန်စွာဖြေဆိုနိုင်ခဲ့ကြောင်း ကျောင်းသား၊ ကျောင်းသူများ၏ ပြောပြချက်အရသိရသည်။
ချော
https://t.me/MyanmarNationalPost
No comments:
Post a Comment