MNP ၊ မတ် ၉
ပဲခူးတိုင်းဒေသကြီး၊ပြည်ခရိုင်၊ ရွှေတောင်မြို့နယ်အမှတ် ( ၁) အထည်စက်ရုံတွင်မီးဘေးကြိုတင်ကာကွယ်ရေး သရုပ်ပြ ခြင်းနှင့်လိုက်လံစစ်ဆေး ခြင်းလုပ်ငန်းများကို ယမန်နေ့ နံနက်ပိုင်းက ရွှေတောင်မြို့နယ်မီးသတ်ဦးစီးဌာနမှ ဆောင်ရွက်ခဲ့ကြောင်းသိရသည်။
အဆိုပါမီးဘေးကြိုတင်ကာကွယ်ရေး ဆောင်ရွက်ရာတွင် ရွှေတောင်မြို့နယ် မီးသတ်ဦးစီးမှူးဦးသက်ပိုင်ထွန်း ဦးဆောင်သည့် တပ်ဖွဲ့များမှ ရွှေတောင်မြို့နယ် အမှတ် ( ၁) အထည်စက်ရုံတွင် မီးဘေးကြိုတင်ကာကွယ်ရေး ဆောင်ရွက်ထားရှိမှုအခြေအနေများနှင့် စက်ရုံဝန်းထမ်းများအား မီးဘေးအန္တရာယ်အသိပညာပေးဟောပြောခြင်း၊မီးဘေးအန္တရာယ် ကြုံတွေ့လာပါက အလျင်အမြန် တုန့်ပြန်ဆောင်ရွက်နိုင်ရေးမီးသတ်ဆေးဘူးဖြင့်လက်တွေ့ကိုင်တွယ်မီးငြှိမ်းသတ်ခြင်းများကို သရုပ်ပြ သဆောင်ရွက်ခဲ့ပြီးလက်ကမ်းစာစောင်များဖြန့်ဝေပေးခဲ့သည်။
ထို့နောက် မီးတားလမ်းများဖောက်လုပ်ထားရှိနိုင်ရေး၊ မီးငြှိမ်းသတ်နိုင်ရေးအတွက် ရေလုံလောက်စွာဖြည့်တင်းဆောင်ရွက်ထားရှိမှုများကိုလိုက်လံစစ်ဆေး ဆောင်ရွက်မှုများပြုလုပ်ခဲ့ကြောင်းရွှေတောင်မြို့နယ်မီးသတ်ဦးစီးဌာနမှသိရသည်။
ကိုကိုမင်း
https://t.me/MyanmarNationalPost
No comments:
Post a Comment