MNP ၊ မတ် ၂၃
မကွေးတိုင်းဒေသကြီး၊ နတ်မောက်မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနက မြစိမ်းရောင်စီမံကိန်းဖြင့် အကောင်အထည်ဖော်ဆောင်ရွက်သည့် ဝက်ချုပ်ကျေးရွာတွင် စီမံကိန်းကော်မတီဝင် ပြန်လည်ဖွဲ့စည်းခြင်းကို ယမန်နေ့က ဘုန်းတော်ကြီးကျောင်း၌ ပြုလုပ်ခဲ့သည်။
ရှေးဦးစွာ နတ်မောက်မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာန လက်ထောက်ညွှန်ကြားရေးမှူးက ကျေးလက်နေပြည်သူများ အလုပ်အကိုင်အခွင့်အလမ်းနှင့် မိသားစုဝင်ငွေတိုးပွားလာပြီး ဆင်းရဲမှုလျော့ကျ စေရန်ရည်ရွယ်၍ မြစိမ်းရောင်ကျေးရွာစီမံကိန်း အရင်းမပျောက် လည်ပတ်ရန်ပုံငွေဖြင့် လုပ်ငန်းအကောင်အထည်ဖော်ဆောင်ရွက်လျက်ရှိပါကြောင်း၊ ကော်မတီဝင်အသစ် ပြန်လည်ဖွဲ့စည်းရာတွင်ကျေးရွာမှ အများသဘောတူရွေးချယ်မည့် ကော်မတီ၀င်များအနေဖြင့် ကိုယ်ကျိုးအတွက်မကြည့်ဘဲ ပရဟိတစိတ်ဖြင့် ရပ်ရွာအကျိုးဆောင်ရွက်ရမည်ဖြစ်ကြောင်း၊ စာရင်း ဇယားများအား စနစ်တကျ ဖြည့်သွင်းဆောင်ရွက်ရ မည်ဖြစ်ကြောင်း ဆွေးနွေးပြောကြားခဲ့ သည်။
ထို့နောက် ကျေးရွာသူကျေးရွာသားများ၏ အများသဘောဆန္ဒနှင့်အညီ မြစိမ်းရောင်ကျေးရွာလုပ်ငန်းအဖွဲ့(၇)ဦး အားဖွဲ့စည်းခဲ့သည်။ အဆိုပါ ကော်မတီအသစ်ပြန်လည်ဖွဲ့စည်းရာသို့ မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူးနှင့် ဝန်ထမ်းများ၊ ကျေးရွာနေ ပြည်သူများ တက်ရောက် ခဲ့ကြကြောင်းသိရသည်။
လှဝင်း
https://t.me/MyanmarNationalPost
No comments:
Post a Comment