MNP ၊ မတ် ၂၈
ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ်တွင် အခြေခံပညာမူလတန်းအဆင့် ဘာသာရပ်စွမ်းရည်မြှင့် ဆွေးနွေးပွဲ ဖွင့်ပွဲအခမ်းအနားကို ယနေ့ နံနက် ၉ နာရီအချိန်က အမှတ်(၁) အခြေခံပညာ အထက်တန်းကျောင်းရှိ လှိုင်ပညာခန်းမ၌ ကျင်းပခဲ့သည်။
ရှေးဦးစွာ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးကျော်စိုးနှင့် အဖွဲ့ဝင်(၁) ဗိုလ်မှူး အောင်မျိုးသူတို့က အဖွင့်အမှာ စကား ပြောကြားပြီး ဒုတိယမြို့နယ်ပညာရေးမှူး ဦးစောလားအေးက မြို့နယ်တွင် အခြေခံပညာ မူလတန်းအဆင့် ဘာသာရပ် စွမ်းရည်မြှင့် ဆွေးနွေးပွဲပြုလုပ်ရခြင်း ရည်ရွယ်ချက်အား ရှင်းလင်းပြောကြားခဲ့သည်။
အဆိုပါ အခြေခံပညာမူလတန်းအဆင့် ဘာသာရပ်စွမ်းရည်မြှင့်ဆွေးနွေးပွဲကို မြို့နယ်အတွင်းရှိ အခြေခံပညာကျောင်းများ မှ ဆရာ၊ ဆရာမ စုစုပေါင်း(၉၈၂)ဦး တက်ရောက်ပြီး သင်တန်း နည်းပြ ဆရာ၊ ဆရာမ (၃၃)ဦးဖြင့် မတ်လ ၂၈ ရက်နေ့မှ ၃၁ နေ့အထိ ဆွေးနွေးသင်ကြားပို့ ချမည်ဖြစ်ကြောင်း မြို့နယ်ပညာရေးမှူးရုံးမှ သိရသည်။
ထက်ဝေဖြိုး
https://t.me/MyanmarNationalPost
No comments:
Post a Comment