MNP ၊ မတ် ၂၀
ပြည်ထောင်စုနယ်မြေ၊ နေပြည်တော်ဥတ္တရခရိုင်၊ တပ်ကုန်းမြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ကလေးငယ်များဖိတ်ခေါ်၍ လူငယ်ဆိုင်ရာစွမ်းရည်ပြိုင်ပွဲများကို ယနေ့မွန်းလွဲ ၁နာရီက အဆိုပါဦးစီးဌာနရှိ ကလေးစာဖတ်ခန်းမတွင် ကျင်းပခဲ့သည်။
ပြိုင်ပွဲတွင် တပ်ကုန်းမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်တင့်တင့်ခိုင်က ကလေးငယ်များအနေဖြင့် ပြည်သူ့စာကြည့်တိုက်နှင့်ရင်းနီးကျွမ်းဝင်မှုရှိပြီး၊ ကျောင်းစာအပြင် ပြင်ပအသိပညာဗဟုသုတများ ကြွယ်ဝစေရန်နှင့်ကျန်းမာပျော်ရွှင်၍ ဉာဏ်ရည် ထက်မြက်စေရန် ရည်ရွယ်၍ ယခုလိုပြည်သူ့စာကြည့်တိုက်သို့ ဖိတ်ခေါ်ပြီး ပြိုင်ပွဲ၊ ပြပွဲ၊ ဟောပြောပွဲများ ပြုလုပ်ပေးခြင်းဖြစ်ကြောင်းပြောကြားခဲ့ပြီးနောက် တပ်ကုန်းမြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ တာဝန်ရှိသူများက ဦးဆောင်၍ ခွက်မှုတ်ပြိုင်ပွဲ၊ ခုံလုထိုင်ပြိုင်ပွဲ၊ ပူစီပေါင်းညှပ်ပြိုင်ပွဲနှင့်ပိုက်တံဂိမ်ပြိုင်ပွဲများပြုလုပ်ပေးခဲ့ရာ ပြိုင်ပွဲတွင် ပထမ၊ ဒုတိယ၊ တတိယ ရရှိသူများအား ဦးစီးအရာရှိနှင့်တာဝန်ရှိသူများက စာအုပ်များ ပေးအပ်ချီးမြှင့်ခဲ့သည်။
အဆိုပါပြိုင်ပွဲများသို့ တပ်ကုန်းမြို့နယ်အတွင်းရှိ ရပ်ကွက်များမှ ကလေးငယ်(၃၅)ဦး တက်ရောက်ယှဉ်ပြိုင်ကစားခဲ့ကြောင်း သိရသည်။
တင်စိုးလွင်
https://t.me/MyanmarNationalPost
No comments:
Post a Comment