MNP ၊ မတ် ၁၇
ပအိုဝ်းကိုယ်ပိုင် အုပ်ချုပ်ခွင့်ရဒေသအတွင်း ဝင်ရောက်၍ ရဟန်းသံဃာတော်များနှင့် ပအိုဝ်းပြည်သူများကို အစုလိုက်အပြုံလိုက် သတ်ဖြတ်ခဲ့သော KNDF/PDF အကြမ်းဖက်အဖွဲ့များ၏ အခြေအနေနှင့် ပတ်သက်၍ ပင်လောင်းမြို့ခံ ဆရာတော်ဘဒ္ဒန္တရာဇဂုရု ထံ မြန်မာနေရှင်နယ်ပို့စ် က ဆက်သွယ်မေးမြန်းရာ ရွာတချို့ကနေ ဆုတ်ခွါသွားတာရှိမယ်၊ အကုန်လုံးတော့ မဟုတ်သေးဘူး ဟု ဆရာတော် က မိန့်ကြားသည်။
ဆရာတော်ဘဒ္ဒန္တရာဇဂုရု က " အခုလောလောဆယ်တော့ သူတို့နည်းနည်းလေး နောက်ဆုတ်လိုက်တယ်။ အကုန်တော့ မဟုတ်သေးဘူးထင်တယ်။ နောက်ဆုတ်တော့ နောက်ဆုတ်တယ်။ လုံးပြင် နဲ့ တောင်မဲသင်း ကနေ ဆုတ်သွားတယ်။ နန်းနှိမ့်ထဲမှာ ကျန်လိမ့်မယ်။ ရွာသူရွာသားတွေ ပြန်လို့ မရသေးပါဘူး။" ဟု မိန့်ကြားသည်။
KNDF/PDF အကြမ်းဖက်အဖွဲ့များ ဝင်ရောက်လာခြင်းကြောင့် တိမ်းရှောင်လာရသည့် နန်းနှိမ့်ကျေးရွာနှင့် အနီးဝန်းကျင်ကျေးရွာများမှ ဒေသခံများအား နောင်တရားအပါအဝင် နေရာတချို့တွင် လက်ခံစောင့်ရှောက်ပေးထားကြောင်း သိရသည်။
(KNDF/PDF အကြမ်းဖက်အဖွဲ့များ ဝင်ရောက်လာခြင်းကြောင့် တိမ်းရှောင်နေရသည့် ပအိုဝ်းဒေသခံပြည်သူများအတွက် ဆက်သွယ်လှူဒါန်းနိုင်ရန် ဆရာတော်ထံ မေးမြန်းထားပါသည်။ တိုက်ရိုက်ဆက်သွယ်လှူဒါန်းနိုင်မည့် အဆက်အသွယ် ရရှိပါက ထပ်မံ ဖော်ပြပေးပါမည်။)
#MyanmarNationalPost
No comments:
Post a Comment