MNP ၊ ဧပြီ ၂၁
မွန်ပြည်နယ်၊ဘီးလင်းမြို့ မြို့နယ်၊မီးသတ်ဦးစီး ဌာနသည် နွေရာသီကာလ ရေခန်းခြောက်မှု ကြောင့် သောက်သုံးရေ အခက်အခဲရှိသော မြို့ပေါ် ရပ်ကွက်များသို့ ရေများအခမဲ့ဖြန့်ဝေ ပေး ခြင်းကို ယမန်နေ့ ညနေပိုင်းက ဘိုးရာဇာ ရပ်ကွက် ဘောလုံးကွင်းအနောက်ရှိ ပြည်သူများ ထံသို့ သွားရောက်လှူဒါန်းခဲ့ကြောင်း သိရသည်။
အဆိုပါ သောက်သုံးရေများ (အခမဲ့)လှူဒါန်းရာ ၌ ဘီးလင်းမြို့နယ် မီးသတ်ဦးစီးဌာနမှ ဦးစီး အရာရှိ ဦးထွန်းထွန်းလင်း နှင့် တပ်ဖွဲ့ဝင်များက ရေဂါလံ ၁၆၀၀ ကို အိမ်တိုင်ရာရောက် အခမဲ့ သွားရောက်လှူဒါန်းပေးခဲ့သည်။
ဘီးလင်းမြို့နယ် မီးသတ်ဦးစီးဌာန အနေဖြင့် သောက်သုံးရေ အခက် အခဲရှိသည့်ဘုန်းတော်ကြီးကျောင်းများ၊ ဌာနဆိုင်ရာရုံးများ ၊ရပ်ကွက်များ သို့လည်း ဆက်လက် လှူဒါန်းပေးသွားမည်ဖြစ်ကြောင်း မြို့နယ် မီးသတ်ဦးစီးဌာနမှ သိရသည်။
ထူးနောင်
https://t.me/MyanmarNationalPost
No comments:
Post a Comment