MNP ၊ ဧပြီ ၆
ဧရာဝတီတိုင်းဒေသကြီး၊ လပွတ္တာခရိုင်၊ မော်လမြိုင်ကျွန်းမြို့နယ်တွင် ဘေးအန္တရာယ်ဆိုင်ရာစီမံခန့်ခွဲမှုဦးစီးဌာနမှ မီးဘေးသင့်ပြည်သူများအား အထွေထွေအုပ်ချုပ်ရေးမှူးဦးစီးဌာနရုံးခန်းတွင် ယမန်နေ့နေ့လည် (၁)နာရီက ထောက်ပံ့ပစ္စည်းများ ပေးအပ်ခဲ့ကြောင်းသိရသည်။
အဆိုပါလုပ်ငန်းစဉ်တွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးသီဟဇော်၊ မြို့နယ်ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာနဦးစီးအရာရှိ ဒေါ်ဇာဇာလင်းနှင့် ကျေးရွာအုပ်ချုပ်ရေးမှူး၊ ရပ်ကျေးစာရေး၊ တာဝန်ရှိသူများက ကပ်ခိုကျေးရွာအုပ်စု၊ ဇီးပင်ချောင်းကျေးရွာ၌ (၄-၄-၂၀၂၃)ရက်နေ့တွင် မီးဘေးကြောင့် မီးလောင်ကျွမ်းခဲ့သောနေအိမ်(၁)လုံး၊ အိမ်ထောင်စု(၁)စု၊ ဘေးသင့်ပြည်သူ(၃)ဦးအား ကယ်ဆယ်ရေးပစ္စည်း(၁၇)မျိုးပါ(၁)ပုံး၊ ဆန်ရိက္ခာ(၇)ရက်စာတန်ဖိုးငွေ (၆၃၀၀)ကျပ်နှင့် အိမ်ဆောက်ပစ္စည်းတန်ဖိုးငွေ (၁၀၀,၀၀၀) ကျပ် စုစုပေါင်း ကယ်ဆယ်ရေးရန်ပုံငွေ (၁၀၆,၃၀၀) ကျပ်တိတိ တန်ဖိုးရှိပစ္စည်းများအား ထောက်ပံ့ပေးအပ် ခဲ့ကြောင်းသိရသည်။
ရဲကိုမောင်
https://t.me/MyanmarNationalPost
No comments:
Post a Comment