MNP ၊ ဧပြီ ၁၉
ကယားပြည်နယ်၊ ဘောလခဲခရိုင်၊ ဖားဆောင်းမြို့နယ်တွင် အန္တရာယ်ကင်းပရိတ်တရားတော်ရွတ်ဖတ်ပူဇော်ပွဲကို ယမန်နေ့ညနေ ၅ နာရီအချိန်က မြို့လယ်လမ်းဆုံ၌ ကျင်းပပြုလုပ်ခဲ့သည်။
အန္တရာယ်ကင်းပရိတ်ရွတ်ဖတ်ပူဇော်ပွဲအခမ်းအနားတွင် ကြွရောက်လာကြသောဆရာတော်၊ သံဃာတော်ကြီးများထံမှ မြို့သူမြို့သားဧည့်ပရိတ်သတ်များက ငါးပါးသီလခံယူဆောက်တည်ကြသည်။
ထို့နောက် တောင်ပေါ်တပ်ဦးကျောင်းဖားဆောင်းမြို့နယ်သံဃနာယကအဖွဲ့အကျိုးတော်ဆောင်ဆရာတော်ဘဒ္ဒန္တဇဝနနှင့် ဆရာတော်ကြီးများက အန္တရာယ်ကင်းပရိတ်တရားတော်များ ရွတ်ဖတ်ချီးမြှင့်ကြရာ အန္တရာယ်ကင်းပရိတ်တရားတော်များနာယူကြပြီးနောက်ရေစက်သွန်းချအမျှအတန်းပေးဝေခဲ့ကြပြီး ဧည့်ပရိတ်သတ်များက လှူဖွယ်ဝတ္ထုများဆက်ကပ်လှူဒါန်းခဲ့ကြသည်။
ဖားဆောင်းမြို့နယ်အတွင်းရှိ ရပ်ကွက်/ကျေးရွာများနှင့် ဌာနဆိုင်ရာရုံးများတွင် သံဃာတော်များပင့်ဖိတ်၍ လမ်းဆုံလမ်းမများ၊ ရုံးများတွင်အန္တရာယ်ကင်းပရိတ်တရားတော်များ ရွတ်ဖတ်နာယူလျက်ရှိကြောင်း သိရသည်။
နန်းသဲနုအောင်
https://t.me/MyanmarNationalPost
No comments:
Post a Comment