MNP ၊ ဧပြီ ၁၉
ကျောင်းသား၊ ကျောင်းသူများအနေဖြင့် နွေရာသီကျောင်းပိတ်ရက် ကာလများတွင် အားလပ်ချိန်ကို အကျိုးရှိစွာအသုံးချနိုင်ရန်နှင့် တိုင်းရင်းသားစာပေယဥ်ကျေးမှု ဓလေ့ထုံးတမ်း အစဉ်အလာစာပေများမပျောက်မပျက်စေရေး ထိန်းသိမ်းစောင့်ရှောက် တတ်စေရန်ရည်ရွယ်၍ ကျိုက်မရောမြို့နယ် ကရင်တိုင်းရင်းသားစာပေယဥ်ကျေးမှုအဖွဲ့က ဦးဆောင်ကြီးကြပ်မှုဖြင့် နွေရာသီပိုးကရင်တိုင်းရင်းသားစာပေသင်တန်းကို ယနေ့နံနက်က ရေပူကော့စပ်အုပ်စု ရေပူကော့စပ်ကျေးရွာ မူလတန်းကျောင်း၌ ဖွင့်လှစ်သင်ကြားလျက်ရှိသည်။
ရှေးဦးစွာ ကရင်တိုင်းရင်းသားစာပေယဉ်ကျေးမှုအဖွဲ့ဥက္ကဋ္ဌစောဒူးမြင့်က တိုင်းရင်းသားစာပေသင်တန်းဖွင့်လှစ်ရခြင်းနှင့်ပတ်သက်၍ ရှင်းလင်းဆွေးနွေးကာ သင်တန်းနည်းပြဆရာကြီးဦးလှမြင့်သိန်းက ပိုးကရင်စာပေသင်ကြားရခြင်း၏ ရည်ရွယ်ချက်များကို ရှင်းလင်းဆွေးနွေးခဲ့သည်။
ထို့နောက်သင်တန်းနည်းပြ ဆရာ၊ ဆရာမနှစ်ဦးတို့က အခြေခံပညာမူလတန်းမှ ကျောင်းသား၊ ကျောင်းသူများအား ပိုးကရင်စာပေများကို နေ့စဥ်နံနက် ၉ နာရီမှ ညနေ ၃ နာရီအထိ စာတွေ့လက်တွေ့သင်ကြားပို့ချပေးလျက်ရှိသည်။
နွေရာသီပိုးကရင်တိုင်းရင်းသားစာပေသင်တန်းသို့ ရေပူကော့စပ်ကျေးရွာ၊ ချောင်းနှစ်ခွကျေးရွာများမှ ကျောင်းသား၊ ကျောင်းသူ(၇၅)ဦးတို့ တက်ရောက်သင်ကြားလျက်ရှိကြောင်း ကရင်စာပေနှင့်ယဥ်ကျေးမှုအဖွဲ့မှ သိရသည်။
https://t.me/MyanmarNationalPost
No comments:
Post a Comment