MNP ၊ ဧပြီ ၁၉
ရှမ်းပြည်နယ်(အရှေ့ပိုင်း)၊ ကျိုင်းတုံခရိုင် တုံတာမြို့ ပြန်ကြားရေးနှင့်ပြည်သူ့ဆက်ဆံရေးဦးစီးဌာနသည် အသိပညာပေးအစီအစဉ်များကို Online မှ တစ်ဆင့် ရိုက်ကူးထုတ်လွှင့်တင်ဆက်ပေးလျက်ရှိကြောင်း သိရသည်။
ထိုသို့ရိုက်ကူးတင်ဆက်ပေးလျက်ရှိရာ ယနေ့တွင် ရုပ်/သံ-၃(အင်အားပြ)ဒေါ်နာခူကစာဖတ်ပရိတ်သတ်များအတွက် တောင်ရိုးစာပေနှင့်ယဉ်ကျေးမှုကော်မတီမှ ရေးသားပြုစုထားသော “တို့ဖိုးထီး”စာအုပ်ဖြင့် ရိုက်ကူးကာ တုံတာမြို့ ပြည်သူ့စာကြည့်တိုက် Facebook Page မှ တစ်ဆင့်လွှင့်တင်ပေးခဲ့ကြောင်း သိရသည်။
ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ တုံတာမြို့ရုံးအနေဖြင့် ကျောင်းနေအရွယ်ကလေးများ ဉာဏ်ရည်၊ ဉာဏ်သွေးဖွံ့ဖြိုးတိုးတက်လာစေရန်၊ ကိုယ်ရည်ကိုယ်သွေးထက်မြက်လာစေရန်၊ အသိပညာဗဟုသုတများ တိုးပွားလာစေရန်အတွက် ကဗျာရွတ်ခြင်း၊ ပုံပြင်ပြောခြင်းစသည့် အသိပညာပေးအစီအစဉ်များအပြင် စာဖတ်ပရိတ်သတ်များအတွက် စာအုပ်မိတ်ဆက်ခြင်းအစီအစဉ်များကိုလည်း ရိုက်ကူးတင်ဆက်ပေးလျက်ရှိကြောင်း သိရသည်။
အဲန်းမေရီ
https://t.me/MyanmarNationalPost
No comments:
Post a Comment