MNP ၊ မေ ၂၆
တနင်္သာရီတိုင်းဒေသကြီး၊ မြိတ်ခရိုင် တနင်္သာရီမြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန ပြည်သူ့စာကြည့်တိုက်အရှေ့ရှိ အသိ ပညာပေးမြေစိုက်ဘုတ်တွင် ပညာရေးဝန်ကြီးဌာန ၂၀၂၃-၂၀၂၄ ပညာသင်နှစ်အတွက် ကျောင်းနေအရွယ်ကလေးအားလုံး ပညာရေးမဝေးဖို့ကျောင်း အမြန်အပ်နှံစို့ ဆောင်ပုဒ်နှင့်အညီ ကျောင်းအပ်နှံရေးဆိုင်ရာ အသိပညာပေး ဗွီနိုင်းပိုစတာများကို ကျောင်းသားမိဘများနှင့် အုပ်ထိန်းသူများ ကြိုတင်သိရှိလေ့လာနိုင်စေရန် မေလ ၂၄ ရက်နေ့ ညနေ ၃ နာရီအချိန်က ရုံးဝန်ထမ်းများက ကပ်ထားကြေညာပေးကြသည်။
ထိုသို့ကြေညာပေးရာတွင် ပညာရေးဝန်ကြီးဌာန၏ ၂၀၂၃-၂၀၂၄ပညာသင်နှစ်၊ ကျောင်းနေအရွယ် ကလေးအားလုံး ပညာရေးမဝေးဖို့ ကျောင်းအမြန်အပ်နှံစို့ဆောင်ပုဒ်ပါဗွီနိုင်း၊ (၅)နှစ်အရွယ် ကလေးများကို သူငယ်တန်း (KG) သို့အပ်နှံရန်၊ (၆)နှစ်အရွယ် ကလေးများကို ပထမတန်း(Grade-1) အပ်နှံရန်၊ ကျောင်းအုပ်ဆရာ/ဆရာမများအားလုံးနှင့် အရာထမ်း/အမှုထမ်းများအားလုံး သိရှိလိုက်နာရမည့်အချက်များ၊ မိဘ/အုပ်ထိန်းသူ ပြည်သူများသို့ မေတ္တာရပ်ခံချက်၊ အခြေခံပညာကျောင်းများတွင် ကျောင်းအပ်နှံရေး သိရှိရန်အချက်များနှင့် အခမဲ့ဖြန့်ဝေပေးမည့် စာရေးကိရိယာများနှင့်ကျောင်းဝတ်စုံများ..စသည့် အကြောင်းအရာများပါရှိသည့် ဗွီနိုင်းပိုစတာများကို မည်သူ မဆိုလာရောက်လေ့လာဖတ်ရှုနိုင်ရန် ကပ်ထားကြေညာထားရှိပေးကြောင်း သိရသည်။
https://t.me/MyanmarNationalPost
No comments:
Post a Comment